30/9/2017 11:06 AM

دایكێك له‌ڕۆژی ئاهه‌نگه‌كه‌یدا شیر به‌ منداڵه‌كه‌ی ده‌دات

سایتی سیدتی هه‌واڵێكی بڵاوكردووه‌ته‌وه‌ كه‌ تێیدا هاتووه‌: دایكێك له‌ رۆژی ئاهه‌نگه‌كه‌یدا شیر ده‌دات به‌ منداڵه‌كه‌ی.

دانلا كاتسۆن كه‌ دایكی منداڵه‌كه‌یه‌، ته‌مه‌نی 24 ساڵانه‌و له‌گه‌ڵ هاوڕێكه‌ی به‌ناوی كالا ریوسی ئاهه‌نگیان ئه‌نجامدا كه‌ مێرده‌كه‌ی ته‌مه‌نی 26 ساڵانه‌.

ئه‌وه‌ی بووه‌ جێی سه‌رنجی ئاماده‌بووانی ئاهه‌نگه‌كه‌، ئه‌وه‌ بوو كه‌ له‌كاتی ئاماده‌كاری و خۆگۆڕین بۆ ئاهه‌نگه‌كه‌و هه‌روه‌ها له‌كاتی به‌ڕێوه‌چوونی ئاهه‌نگه‌كه‌شیدا، دایكه‌كه‌ به‌ به‌رچاوی ئاماده‌بووان و كامێرامانه‌وه‌ شیری ده‌دا به‌ منداڵه‌كه‌ی. به‌وهۆیه‌ی منداڵه‌كه‌ی ته‌مه‌نی 3 مانگانه‌و شیری دایكی ده‌خوات.

دواتر فۆتۆگرافه‌رێك به‌ ناوی مۆنیكا كارفیلۆ وچنه‌ی ئه‌و دایكه‌ی له‌ لاپه‌ڕی تایبه‌تی خۆی له‌ تۆڕی كۆمه‌ڵایه‌تی ئینستاگرام بڵاوكرده‌وه‌، وێنه‌كه‌ش بووه‌ جێی سه‌رنجی زۆری هاووڵاتیان و به‌گرنگییه‌وه‌ باسیان له‌ رۆڵی ژنبوون و دایكایه‌تی ده‌كرده‌وه‌و به‌ چه‌ندین كۆمێنتی جوانه‌وه‌ وێنه‌كان سه‌رجه‌م تۆڕه‌ كۆمه‌ڵایه‌تییه‌كانی هه‌ژاند.

خاك - لانه كاشان





created by Avesta Group and powered by Microsoft Azure

Copyright © 2015 khaktv all rights reserved