29/11/2017 09:01 AM

محه‌له‌بی به‌ سێو دروستبكه‌

له‌وه‌رزی پایزدا گرنگی به‌دروستكردنی محه‌له‌بی بده‌، بۆ گۆڕانكاری هه‌وڵبده‌ سێو به‌كاربهێنیت بۆ ئه‌وه‌ی به‌شێوه‌یه‌كی جیاواز سوود له‌میوه‌ی سێو وه‌ربگریت.

كه‌ره‌سته‌كان:
۵ تا ۷ سێوی شیرین
۱ لیمۆ ته‌نها پێسته‌كه‌ی به‌كاربهێنه‌
۳ كه‌وچكی چا شه‌ربه‌ت
نیو په‌رداخ ئاو
دارچینی
۱ كه‌وچكی چا هه‌نگوین

شێوازی ئاماده‌كردن:
1- سه‌ره‌تا بۆماوه‌ی چه‌ند كاتژمێرێك سێوه‌كان له‌ناو ئاو و خه‌لدا دابنێ بۆئه‌وه‌ی هه‌موو میكرۆب و مادده‌ كیمیاییه‌كان له‌ناوبچن، دواتریش سێوه‌كان بشۆره‌وه‌ بۆئه‌وه‌ی تامی خه‌ل نه‌دات.

2- ئێستاش سێوه‌كان قاش بكه‌و ناوكه‌كه‌شی لێ ده‌ربكه‌.

3- هه‌موو سێوه‌كان له‌ناو مه‌نجه‌ڵێكدا له‌گه‌ڵ نیو په‌رداخ كه‌متر ئاو بخه‌ره‌ سه‌ر ئاگر، هه‌روه‌ها شه‌ربه‌ت و پێستی لیمۆو دارچینی تێكه‌ڵبكه‌.

4- تا سێوه‌كان نه‌رم ده‌بنه‌وه‌ له‌سه‌ر ئاگرێكی مامناوه‌ندی با بكوڵێن.

5- دواتر له‌سه‌ر ئاگر لایبه‌ تا كه‌مێك سارد ده‌بێته‌وه‌، پاشان بیخه‌ره‌ ناو میكسه‌ر یان هاڕه‌ر بۆئه‌وه‌ی جوان وردبن و وه‌ك كرێمی لێبێت.

6- گه‌ر پێتوایه‌ كه‌مێك تامی مزره‌، گرنگی به‌ به‌كارهێنانی هه‌نگوین بده‌ بۆئه‌وه‌ی تامی شیرین بێت.

7- له‌كۆتاییدا بیخه‌ره‌ ناو قاپ و پێشكه‌شی بكه‌.

خاك 



created by Avesta Group and powered by Microsoft Azure

Copyright © 2015 khaktv all rights reserved