9/12/2017 09:26 AM

چه‌ند تێبینیه‌ك بۆ خۆشكردنی وه‌رزی سه‌رما

زۆربه‌ی مرۆڤه‌كان حه‌ز به‌وه‌رزی زستان ناكه‌ن به‌هۆی سه‌رماوه‌، بۆیه‌ له‌و وه‌رزه‌دا به‌گشتی حه‌زناكه‌ن له‌به‌یانیاندا زوو هه‌ستن له‌خه‌و، جگه‌له‌وه‌ش به‌رده‌وام هه‌ست به‌بێتاقه‌تی ده‌كه‌ن و هه‌راسان ده‌بن.

به‌تایبه‌تی خانمان زیاتر هه‌ست به‌ناڕه‌حه‌تی ده‌كه‌ن له‌و وه‌رزه‌دا به‌هۆی ئه‌وه‌ی كه‌ گۆڕانكاری دروستده‌بێت له‌هۆڕمۆنیاندا، هه‌روه‌ها به‌هۆی ئه‌وه‌ی كه‌ دیمه‌نی سروشت ره‌نگی كه‌متره‌ له‌و وه‌رزه‌دا كاریگه‌ری هه‌یه‌ به‌سه‌ر هه‌ست و هۆشی خانمان.

بۆئه‌وه‌ی له‌وه‌رزی زستاندا هه‌ست به‌خۆشی بكه‌یت و بحه‌سێیته‌وه‌، گۆڤاری (ستایل) ئاماژه‌ ده‌دات به‌م خاڵانه‌.

1- هه‌وڵبده‌ له‌گه‌ڵ به‌كارهێنانی مۆم رووناكی له‌ناو ماڵدا دروستبكه‌، هه‌روه‌ها مۆم جه‌وێكی رۆمانسی ده‌به‌خشێت، جگه‌له‌وه‌ش گه‌رمی ده‌به‌خشێت.

2- گرنگی به‌ به‌كارهێنانی ره‌نگی گه‌رم و تۆخ بده‌ له‌گه‌ڵ رێكخستنی ناوماڵدا.

3- گرنگی به‌بڵاوكردنه‌وه‌ی بۆن بده‌ له‌ناو ماڵدا وه‌ك ئه‌وه‌ی كه‌ هه‌ر وه‌رزه‌و بۆنی خۆی هه‌یه‌، هه‌روه‌ها وه‌رزی زستانیش بۆنی ڤانێلاو قاوه‌ هه‌ستێكی خۆش ده‌به‌خشێت.

4- به‌رده‌وام گرنگی به‌چوونه‌ ده‌ره‌وه‌ بده‌ بۆناو سروشت.

خاك – وكالات



created by Avesta Group and powered by Microsoft Azure

Copyright © 2015 khaktv all rights reserved