4/1/2018 02:17 PM

رێنمایی بۆ ئه‌وه‌ی باش بخه‌ویت

له‌م بابه‌ته‌دا چه‌ند خاڵێك ده‌ستنیشان ده‌كه‌ین بۆ ئه‌وه‌ی له‌كاتی شه‌واندا باش بخه‌ویت، پزیشكان له‌وباره‌وه‌ ده‌ڵێن: كه‌سانێكی زۆر له‌كاتی شه‌واندا باش خه‌ویان لێ ناكه‌وێت، بۆیه‌ به‌ڕێژه‌یه‌كی زۆر مرۆڤه‌كان داوا له‌پزیشكان ده‌كه‌ن ده‌رمانیان بۆ بنوسرێت بۆ نووستن. له‌هه‌مانكاتیشدا پزیشكان پێیانوایه‌ كه‌ باشتره‌ له‌ڕێگای ئه‌م چه‌ند خاڵه‌ی خواره‌وه‌ هه‌وڵبدرێت بۆ نووستن.

1- له‌كاتی نووستندا شه‌وانه‌ پله‌ی گه‌رمی ماڵه‌وه‌ كه‌مێك دابه‌زێنه‌ بۆئه‌وه‌ی باش خه‌وت لێبكه‌وێت، چونكه‌ له‌كاتی نوستندا پله‌ی گه‌رمی جه‌سته‌ خۆی داده‌به‌زێت بۆ خۆئاماده‌كردن بۆ نوستن.

2- گرنگی به‌ڕه‌نگی كاڵ و كرێمی بده‌ له‌كاتی رێكخستنی ژووری نوستندا، چونكه‌ به‌هۆی ره‌نگی كاڵه‌وه‌ مێشك ئارام ده‌بێت.

3- هه‌موو ئامێره‌ كاره‌باییه‌كان له‌ژووری نووستندا بكوژێنه‌ره‌وه‌، به‌هۆی تیشكی شینی مۆبایل خه‌وت لێناكه‌وێت، هه‌روه‌ها به‌هۆی سه‌یركردنی ته‌له‌فزیۆن زیاتر به‌خه‌به‌ر ده‌بیت و دره‌نگتر خه‌وت لێده‌كه‌وێت.

4- گلۆپی سپی بكوژێنه‌ره‌وه‌ له‌كاتی نووستنداو له‌شه‌واندا گڵۆپه‌كان هه‌ڵمه‌كه‌ گه‌ر به‌خه‌به‌ر هاتی، چونكه‌ به‌هۆی رووناكیه‌وه‌ مێشك وا تێده‌گات كه‌ رۆژه‌و خه‌وت لێناكه‌وێت.

5- به‌هۆی ده‌نگێكی زۆره‌وه‌ خه‌وت لێناكه‌وێت و هه‌روه‌ها به‌رده‌وام به‌خه‌به‌ر دێیت، بۆیه‌ باشتره‌ گرنگی به‌ڕاگرتنی هێمنی و بێده‌نگی بده‌یت له‌كاتی نووستندا.

خاك – وكالات




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved