25/1/2018 01:23 PM

ریزبه‌ندی زانكۆكانی ھه‌رێمی كوردستان و عیراق راگه‌یه‌نرا

ریزبه‌ندی نوێی زانكۆكانی ھه‌رێمی كوردستان و عیراق و جیھان به‌ پێی و یبۆمێتریكس webometrics   بڵاوكرایه‌وه‌.

ریزبه‌ندی نوێی زانكۆكانی ھه‌رێمی كوردستان و عیراق و جیھان به‌پێی ویبۆمێتریكس راگه‌یه‌ندراو زانكۆی پۆلیته‌كنیكی سلێمانی سه‌ركه‌وتنێكی دیكه‌ی له‌سه‌ر ئاستی زانكۆكانی ھه‌رێمی كوردستان و عێراق تۆماركرد.

ماڵپه‌ڕی ویبۆمیتریكس (webometrics) كه‌ ساڵانه‌ دووجار ریزبه‌ندی نوێی زانكۆكانی جیھانی بڵاوده‌كاته‌وه‌، به‌رواری ٢٤/١/٢٠١٨ ریزبه‌ندێكی نوێی زانكۆكانی جیھانی بۆ مانگی یه‌كی ٢٠١٨ راگه‌یاند، كه‌ تێیدا زانكۆی پۆلیته‌كنیكی سلێمانی سه‌ركه‌وتن و پێشكه‌وتنێكی به‌رچاوی تۆماركردووه‌‌و چه‌ند پله‌یه‌ك چۆته‌ پێشه‌وه‌ی زانكۆكانی دیكه‌، به‌شێوه‌یه‌ك له‌كۆی ١٧زانكۆو ده‌سته‌ی حكومی ٧ھه‌مین زانكۆی له‌سه‌ر ئاستی ھه‌رێمی كوردستان گرتووه‌، ئه‌مه‌ سه‌ره‌ڕای ئه‌وه‌ی به‌ به‌راورد به‌ ٦ مانگی ڕابردوو له‌سه‌ر ئاستی جیھان پێشی ١٥٣٧ زانكۆی جیھان كه‌وتووه‌و ھه‌روه‌ھا له‌سه‌ر ئاستی عێراقیش له‌كۆی ٨١ زانكۆ ٢٧ھه‌مین زانكۆیه‌.

ئه‌مه‌ش دوای ئه‌و هه‌وڵ و ماندوبوونه‌ی زانكۆی پۆلیته‌كنیكی سلێمانی دێت كه‌ له‌رووی ئه‌نجامدانی توێژینه‌وه‌و به‌شداریكردن له‌ توێژینه‌وه‌ جیهانییه‌كانداو به‌هێزكردنی په‌یوه‌ندییه‌ زانستی و ئه‌كادیمییه‌كانی له‌گه‌ل زانكۆكانی جیهانی ئه‌نجامی داوه‌و هه‌روه‌ها له‌گه‌ڵ ئه‌و پێشخستن و گۆڕانكارییه‌ نوێیه‌ی له‌ زانكۆكه‌دا كردوویه‌تی به‌ دروستكردنی په‌یج و پرۆفایلی تایبه‌تی بۆ گشت مامۆستایانی زانكۆ، بۆیه‌ زانكۆی پۆلیته‌كنیكی سلێمانی هه‌وڵده‌دات پێشه‌نگی ریزبه‌ندی زانكۆكانی جیهان بگرێت له‌سه‌ر ئاستی هه‌رێمی كوردستان و عیراق.

له‌ خواره‌وه‌ رانكی زانكۆكانی كوردستان و عێراق به‌گشتی له‌سه‌ر ئاستی جیهان ده‌بینن:

رانكی زانكۆ له‌سه‌ر ئاستی زانكۆ حكومییه‌كانی كوردستان (٧هه‌مین له‌كۆی ١٧ زانكۆی حكومی)

١/زانكۆی كۆیه‌
٢/زانكۆی سلێمانی
٣/زانكۆی سۆران
٤/زانكۆی دهۆك
٥/زانكۆی كوردستان هه‌ولێر
٦/زانكۆی سه‌لاحه‌ددین
٧/زانكۆی پۆلیته‌كنیكی سلێمانی
٨/زانكۆی هه‌ولێری پزیشكی
٩/زانكۆی زاخۆ
١٠/زانكۆی پۆلیته‌كنیكی هه‌ولێر
١١/زانكۆی پۆلیته‌كنیكی دهۆك
١٢/زانكۆی چه‌رمۆ
١٣/ده‌سته‌ی كوردستانی بۆ دیراساتی ستراتیجی و لێكۆڵینه‌وه‌ی زانستی
١٤/زانكۆی ڕاپه‌رین
١٥/زانكۆی گه‌رمیان
١٦/بۆردی كوردستانی بۆ پسپۆرییه‌ پزیشكییه‌كان
١٧زانكۆی هه‌له‌بجه‌
رانكی زانكۆ له‌ سه‌ر ئاستی زانكۆ حكومییه‌كان و تایبه‌ته‌كانی كوردستان ( ١٠ هه‌مین له‌ كۆی ٢٩ زانكۆ)
١/زانكۆی كۆیه‌
٢/زانكۆی سلێمانی
٣/زانكۆی سۆران
٤/زانكۆی ئیشك
٥/زانكۆی دهۆك
٦/زانكۆی گه‌شه‌پێدان
٧/زانكۆی كوردستان هه‌ولێر
٨/زانكۆی ئه‌مریكی سلێمانی
٩/زانكۆی سه‌لاحه‌ددین
١٠/زانكۆی پۆلیته‌كنیكی سلێمانی
١١/زانكۆی هه‌ولێری پزیشكی
١٢/زانكۆی زاخۆ
١٣/زانكۆی كۆمار بۆ زانست و ته‌كنۆلۆجیا
١٤/زانكۆی پۆلیته‌كنیكی هه‌ولێر
١٥/زانكۆی جیهان هه‌ولێر
١٦/زانكۆی پۆلیته‌كنیكی دهۆك
١٧/زانكۆی چه‌رمۆ
١٨/زانكۆی نه‌ورۆز
١٩/زانكۆی ئه‌مریكی كوردستان دهۆك
٢٠/زانكۆی لوبنانی فه‌ره‌نسی
٢١/زانكۆی جیهان سلێمانی
٢٢/ده‌سته‌ی كوردستانی بۆ دیراساتی ستراتیجی و لێكۆڵینه‌وه‌ی زانستی
٢٣/زانكۆی ڕاپه‌رین
٢٤/زانكۆی گه‌رمیان
٢٥/بۆردی كوردستانی بۆ پسپۆرییه‌ پزیشكییه‌كان
٢٦زانكۆی هه‌له‌بجه‌
٢٧زانكۆی به‌یان
٢٨/زانكۆی نۆلج
٢٩زانكۆی هه‌ولێری نێوده‌وله‌تی

ویبۆمێتریكس (Webometrics) چییه‌؟
ڕیزبه‌ندی زانكۆكانی جیھان به‌پێی وێبۆمێتریكس webometrics  پڕۆژه‌یه‌كی ده‌ستپێشخه‌رییه‌ كه‌ له‌لایه‌ن تاقیگه‌ی Cybermetricsه‌وه‌ ئه‌نجامده‌درێت سالانه‌ دووجار، كه‌ تیمێكی توێژینه‌وه‌ن و سه‌ر به‌وه‌زاره‌تی په‌روه‌رده‌و ئه‌نجومه‌نی نیشتمانی توێژینه‌وه‌ی ئیسپانین، كه‌ گه‌وره‌ترین په‌یمانگه‌ی توێژینه‌وه‌ن له‌ ئیسپانیاو سێیه‌من له‌ ئه‌وروپا.

جێی ئاماژه‌یه‌ ئه‌م ریزبه‌ندییه‌ی زانكۆكان له‌ ریزبه‌ندی زانكۆكانی ھه‌رێمی كوردستانیشدا پشتی پێده‌به‌ستریت و زیاتر له‌ ٢٧ ھه‌زار زانكۆ له‌سه‌ر ئاستی جیھان له‌م رانكه‌دا ریزبه‌ند ده‌كرێت و  یه‌كێكه‌ له‌و پێوه‌ره‌ نێوده‌وڵه‌تیانه‌ی كه‌ له‌ زۆربه‌ی ناوه‌نده‌ ئه‌كادیمی و زانستییه‌كانی جیھان و زۆرینه‌ی وه‌زاره‌ت و ناوه‌نده‌ حكومییه‌ په‌یوه‌نديداره‌كان به‌ زانكۆكانه‌وه‌ وه‌كو پێوه‌رێكی گرنگی زانستی سه‌یرده‌كرێت.


خاك - راگه‌یاندنی زانكۆی پۆلیته‌كنیكی سلێمانی




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved