20/2/2018 03:06 PM

كاریگه‌رییه‌كانی ڕشتنی فرمێسك

گریان داده‌ندرێت به‌ یه‌كێك له‌ هه‌سته‌ سروشتیه‌كانی مرۆڤ، كه‌ له‌ ده‌ربڕینی خۆشی یاخود ناخۆشیدا هه‌ندێك جار مرۆڤ ده‌گری.
فرمێسك چه‌ند جۆرێكی هه‌یه‌ له‌وانه‌ش:
-ئه‌و فرمێسكه‌ی كه‌ به‌هۆی ئه‌و كردارانه‌ی كه‌ له‌ ژیانی ڕۆژانه‌دا ئه‌نجامی ده‌ده‌ین یاخود ڕووده‌دات دروست ده‌بێت نموونه‌ دوكه‌ڵ ، پیاز ، یاخود ڕه‌شه‌با له‌م كاته‌دا ئه‌و فرمێسكه‌ی كه‌ ده‌ڕژێندرێت چاوه‌كان پاك ده‌كاته‌وه‌.
-فرمێسكی سۆزداری: مرۆڤ كاتێك توشی حاڵه‌تی سۆزداری ده‌بێت وه‌كو كاردانه‌وه‌یه‌ك بۆ ئه‌و دۆخه‌ سۆزداریه‌ی كه‌ ھه‌یه‌تی فرمێسك له‌ چاوی دێته‌خواره‌وه‌ .
-ئه‌وه‌ش كه‌له‌لایه‌ن جۆگه‌ی فرمێسكه‌وه‌ ده‌رده‌درێت: شله‌یه‌كی دژه‌ به‌كتریایه‌‌و ده‌وڵه‌مه‌نده‌ به‌پڕۆتین، یارمه‌تیده‌ره‌ له‌ هێشتنه‌وه‌ی چاوه‌كان به‌ شێداری .
ئه‌مانه‌ش كۆمه‌ڵێك سودی هاتنه‌خواره‌ی فرمێسكن له‌ چاوه‌كان:
١-كاریگه‌ری ڕاسته‌وخۆی هه‌یه‌ له‌سه‌ر هێوركردنه‌وه‌‌و پشودانی مرۆڤ.
٢-كه‌مكردنه‌وه‌ی هه‌ستكردن به‌ ئازار و چالاكردنی هه‌ستی خۆشی له‌ مرۆڤدا.
٣-ژه‌هری له‌ش ده‌رده‌دات و قه‌له‌قیش كه‌مده‌كاته‌وه‌، فرمێسك چه‌ند هۆڕمۆنێكی قه‌له‌قی تێدایه‌ جگه‌ له‌ چه‌ند مادده‌یه‌كی كیمایی له‌ كاتی ڕشتنیان مرۆڤ ڕزگاری ده‌بێت لێیان .
٤-به‌كتریا له‌ناوده‌ببات به‌م هۆیه‌شه‌وه‌ ده‌تواندرێت له‌ پاكردنه‌وه‌ی چاوه‌كان سودی لێوه‌ربگیرێت.
٥-یارمه‌تی مرۆڤ ده‌دات كه‌ به‌ئاسانی خه‌وی لێبكه‌وێت، چونكه‌ ده‌ردانی ئه‌و فرمێسكه‌ مرۆڤ هێورده‌كاته‌وه‌ و ئارامیشی پێده‌به‌خشێت.

خاك- كوردستانی نوێ




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved