لەیارییەكانی هەفتەی 25ی لالیگای ئیسپانیدا هەردوو یانەی ریاڵ مەدرید و بەرشەلۆنە توانیان سێ خاڵی گرنگ بەدەست بهێنن.
ریاڵ مەدرید لە یاریگای سانتیاگۆ بێرنابیۆدا بە چوارگۆڵی بێ وەڵام لە یانەی ئالاڤێسی بردەوە كە گۆڵەكانی یارییەكە كریستیانۆ رۆناڵدۆ دوو گۆڵ و گاریس بێڵ و بەنزیمە دوو گۆڵەكەی تریان تۆماركرد.
بەوبردنەوەیەش یانەی مەدرید خاڵەكانی بوو بە 51 خاڵ و لە پلەی سێیەمی خولەكە دایە.
لەیارییەكی تردایانەی بەرشەلۆنەی پێشەنگی خولەكە پێشوازی لە یانەی گیرۆناكرد لە یاریگای كامپنۆ و یارییەكەی بە نیودەرزە گۆڵ لێ بردەوە .
گۆڵەكانی بەرشەلۆنە سوارێز هاتریكی وتۆماركردو میسی بە دوو گۆڵ و كۆنتینهۆ بە گۆڵێك بەشدارییان كرد.
بەوبردنەوەیەش كە تۆماری كرد یانەی بەرشەلۆنە لە پێشەنگی خولەكە مایەوە بە 65 خاڵ.
بریاریشە ئەمرۆ ئەم یارییان بەكاتی كوردستان ئەنجام بدرێت: گیتافی-ڤیاریاڵ 2:00ی پاش نیوەرۆ مەلەكە-ئەتلەنتیك بیلباو 6:15 ریاڵ سۆسیداد-ڤالەنسیا 8:30 ئەتلەنتیكۆ مەدرید-ئیشبیلیە 10:45
created by Avesta Group and powered by Microsoft Azure