فیلمی "ئێستا كچێك نیشتمانه" له ده‌رهێنانی هونه‌رمه‌ند ئیدریس مه‌حمودیان به‌شداری فێستیڤاڵی نێوده‌وڵه‌تی فیلمی ئاشتی له هیندستان ده‌كات. ئه‌و فیلمه له نووسین و ده‌رهێنانی ئیدریس مه‌حمودیان هونه‌رمه‌ندی سه‌قزییه‌و له به‌شی كێبه‌ڕكێی فێستیڤاڵی ئاشتی هیندستان وه‌رگیراوه. چیرۆكی فیلمه‌كه دژه شه‌ڕه‌و له‌سه‌ر سنوور ڕووده‌دات و ژیانی سه‌ر سنووره‌كان نمایشده‌كات و ناوی فیلمه‌كه له دیوانێكی شاعیری ناوداری كورد شێركۆ بێكه‌س وه‌رگیراوه. ئیدریس مه‌حمودیان گه‌نجێكی شاری سه‌قزه له ڕۆژهه‌ڵاتی كوردستان و تائێستا كورته فیلمێكی به‌ناوی كۆلاره‌و فیلمێكی درێژی به‌ناوی ده‌نگێك له ناوچه‌ی تیله‌كۆ به‌رهه‌مهێناوه‌و كورته فیلمی كۆلاره به‌شداری فێستیڤاڵه‌كانی ئیسفه‌هان و له‌نده‌نی كردووه. خاك - ئاژانسه‌كان
created by Avesta Group and powered by Microsoft Azure