5/4/2018 09:25 AM

ئایا بنێشت سوودی هه‌یه‌ یان زیان؟

بنێشت به‌گشتی سوودی هه‌یه‌ به‌تایبه‌ت بنێشتی بێ‌ شه‌كر. له‌به‌رئه‌وه‌ی:

1- توانای بیركردنه‌وه‌و بیرهاتنه‌وه‌ زیاد ده‌كات، ئه‌مه‌ بۆ ئه‌و كه‌سانه‌ی تاقیكردنه‌وه‌یان هه‌یه‌ به‌سووده‌.

2- كه‌مكردنه‌وه‌ی دڵه‌ڕاوكێ و شڵه‌ژان.

3- ده‌بێته‌ هۆی كێش دابه‌زین به‌تایبه‌ت بنێشتی بێ‌ شه‌كر، به‌هۆی سه‌رقاڵكردنی ده‌م و هه‌ستكردن به‌ تێری و جوڵانی ماسولكه‌كانی ده‌م و زیاد ده‌ردانی لیك و ئه‌نزیمه‌كانی كه‌می كالۆری.

4- یارمه‌تی خواردن هه‌رسكردن ده‌دات به‌هۆی زیاد ده‌ردانی ترش و لیك له‌ گه‌ده‌و ده‌مدا.

5- پاككردنه‌وه‌ی ده‌م و ددان و مه‌ڵاشوو به‌هۆی زیاد ده‌ردانی لیك جوڵانی ده‌م و زمان.

له‌ڕووی جوانكارییه‌وه‌ دوو لایه‌نی هه‌یه‌:
1- ئه‌گه‌ر به‌شێوه‌یه‌كی كه‌م به‌كاربێت 2-3 رۆژ له‌ هه‌فته‌یه‌ك به‌هێواشی بجویت، ئه‌وا سوودی هه‌یه‌ كه‌ ماسوولكه‌كان توندو هه‌روه‌ها گه‌وره‌ ده‌كات و چه‌وری ده‌م و چاو و مل به‌ یه‌كسانی بڵاوده‌كاته‌وه‌.

2- به‌ڵام ئه‌گه‌ر به‌شێوه‌یه‌كی زۆر توند بنێشت بجویت، ئه‌وا ده‌بێته‌ هۆی توانه‌وه‌ی چه‌وری ده‌م و چاو زۆر جوڵه‌ی ماسوولكه‌كانی ده‌وری ده‌م و ده‌ركه‌وتنی خه‌ت و لۆچ به‌تایبه‌ت له‌ده‌وری ده‌م و روومه‌ت.

س/ خۆپاراستنی ته‌ندروستی سلێمانی




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved