پێش ئەوەی منداڵەکەت تا-ی لێبێت ئەم زانیارییانە وەربگرە

تا: بریتیيە لە بەرزبوونەوەی پلەی گەرمی بەرزتر یان یەکسان بە ٣٨ پلە.

بەپێی ڕێنمایی د.ئاوات واژەیی پزیشکی نەخۆشییەکانی منداڵان، دایکان و باوکان دەبێت ئاگاداری ئەم خاڵانە بن لەکاتی تالێهاتنی منداڵەکانیان.

١/ باشترین و وردترین ڕێگە بۆ دەستنیشانکردنی تا لە منداڵدا بریتییە لەوەی لەڕێی کۆمەوە گەرمی بپێورێت.

٢/ بەھیچ جۆرێک نابێتە ھۆی زیانگەیاندن بە مێشکی منداڵ تەنانەت زۆرجار توشبوون بە گەشکەش حاڵەتێکی بێ زیان و بێ گرفتەو تێدەپەڕێت بێ ھیچ پاشماوەیەکی خراپ.

٣/ توشبوون بە تا واتە زیندووی و بەھێزی بەرگری لەش دژی میکرۆب و ڤایرۆس، بۆیە نابیت دایکان زۆر نیگەران بن.

٤/ کەمبوونەوەی ئارەزووی خواردن و بێ ھێزی و وشکبوونەوە لە دەرئەنجامی بوونی تا حاڵەتێکی باوە، دواتر چاکدەبێت.

٥/ لە شەو و ڕۆژێک زیاتر مانەوەی تا و ھەستکردن بە ھیلاکی و بێھێزی زۆر لە منداڵەکەتدا، واتە ڕەنگە ھەوکردنێک ھەبێت و بەزوویی پزیشک بيبینێت.


خاک - تانیا ئاوارە