17/4/2018 09:10 AM

سوود و زیانەکانی سه‌یركردنی تەله‌فزیۆن

تەلەفزیۆن یەکێکە لە داهێنانە سەرسوڕهێنەرەکانی زانستی پێشکەوتوو، چەندین سوودو زیانی هەیە بۆ سەر بەکارهێنەر، کە لەم خاڵانەدا خۆیان دەبیننەوە:

سوودەکانی...
1- ئێمە دەتوانین کەناڵە هەواڵیيەکان بەکاربهێنین بۆ ئاگاداربوون لەو کاروبارانەی  کە روودەدەن لە ئێستادا لە جیهاندا، لە ڕۆژگاری ئەمڕۆماندا ڕێژەیەکی زۆری کەناڵە جیهانيیه‌ هەواڵیيەکان هەن.
2- منداڵەکانمان دەتوانن فێری وانە پەروەردەیيەکان ببن لێوەی بە شێوەیەکی جوان و چێژبەخش بۆیان، بە تەماشاکردنی کەناڵە تایبەتیەکان بە منداڵ.
3- بەرنامە تەلەفزیۆنیەکان، موزیک، گۆرانیە ڤیدیۆيیەکان، یاریيە راستەوخۆکان و چه‌ندین شتی تر. دەکرێت سەرچاوەی باش بن بۆ زیادکردنی زانیاریيەکانمان.
4- لەڕێگەی بەرنامە تایبەتیەکان بە دروستکردنی خواردن دەتوانین ئەو خواردنانەی کە چێژیان لێوەردەگرین دروستبکەین.
5- لێوەی ئاگاداردەبین دەربارەی رەوشی کۆمەڵی و ئابووری وڵاتەکەمان و جیهان.

 زیانەکانی...
1- کاتێک کە ماوەیەکی درێژخایەن لە سەیرکردنی تەلەفزیۆندا بەسەردەبەین چاوەکانمان توشی هیلاکیەکی زۆر دەبن و زیانیان پێدەگات.
2- تەلەفزیۆن دەنگێکی زۆرو بەرز دروستدەکات لەکاتی ئیشکردنیدا، ئەمەش کاریگەری لەسەر هیلاکبوونی مێشک بەجێدەهێڵێت.
3- بەشێکی زۆر لە بەرنامە تەلەفزیۆنیەکان و دراماکان کە نمایشدەکرێن نەگونجاون بۆ ئەوەی منداڵان بینەری بن.
4- ئیمە زۆرجار ئەوکاتەی کە پیویستە تێیدا بخەوین و پشوو وەربگرین لە تەماشاکردنی تیڤیدا بەکاردەهێنین.
5- زۆربەی کارەکتەرەکان لە فیلم و زنجیرە دراماکان و بەرنامەکاندا کە نمایشدەکرێن خواردنەوە کهولیەکان و جگەرە بەکاردەهێنن، ئەمەش ڕێگەخۆشکەرە بۆگەنجەکان لە زیادبوونی بەکارهێنانی ئەو ماددە زیانبەخشانە.
6- زۆر بەکارهێنانی تەلەفزیۆن ئەبێتە هۆی وەستاندنی چالاکیە رۆژانەکانی ژیانی خۆمان، واتە لەبری ئەوەی کە بەشێوەیەکی ڕاستەوخۆ ئەزموونی ژیان بکەین لەڕێگەی تیڤیەوە ئەزموونی ژیان دەکەین ئەمەش کارێکی باش نیە.

خاك – س: importantindia.com 



created by Avesta Group and powered by Microsoft Azure

Copyright © 2015 khaktv all rights reserved