نۆڤلێتی " جەژنەكەی كۆكوڤیل" لە نووسینی نووسەری ناسراوی فەرەنسی ئێمیل زۆلایە، لەلایەن نووسەرو وەرگێر ئەردەڵان عەبدوڵڵاوە لەزمانی ئەڵمانییەوە كراوەتە كوردی. لەبارەی ئەم نۆڤلێتەوە ئەردەڵان عەبدوڵڵا بە خاك-ی راگەیاند: ئەم نۆڤلێتە لەلایەن نووسەری ناسراوی فەرەنسی ئێمیل زۆلا نووسراوە، كە یەكێكە لە نووسەرە مەزنەكانی فەرەنسا و جیهان، ئەم نۆڤلێتەشی بە یەكێك لە نۆڤلێتە جوانەكانی دادەنرێت. لەبارەی ناوەڕۆكی نۆڤلێتەكەشەوە وتی: باسی گوندێكی بچووكی كەناری دەریای فەرەنسا دەكات و لەم نۆڤلێتە كورتەشدا،زۆلا كۆمەڵێك مەسەلەی گرنگی وروژاندووە لەوانە: شەڕی دەسەڵات، خۆشەویستی، شەڕەنگێزی و چاكەخوازی، كاریگەری خواردنەوە بەسەر دەروونی مرۆڤەكانەوەو كۆمەڵێك مەسەلەی تر. جێگەی ئاماژەیە ئەمە 17 هەمەین كتێبی ئەردەڵان عەبدوڵڵایە و لەلایەن دەزگای چاپو پەخشی سەردەم چاپكراوە. خاك-بەیاد مەریوانی
created by Avesta Group and powered by Microsoft Azure