لیمۆ به‌وه ناسراوه كه تامێكی ترشی هه‌یه‌و هه‌روه‌ها ڤیتامین (سی) له‌خۆده‌گرێت، له‌هه‌مانكاتیشدا به‌هۆی ئه‌وه‌ی لیمۆ مادده‌ی سروشتی له‌خۆده‌گرێت، بۆیه كاریگه‌ری به‌سوودی هه‌یه بۆ ته‌ندروستی مرۆڤ به‌تایبه‌ت ئه‌وانه‌ی نه‌خۆشی شه‌كره‌یان هه‌یه‌و هه‌روه‌ها توانای دابه‌زاندنی كۆلیسترۆڵی هه‌یه. سووده گرنگه‌كانی: * دژی دروستبوونی به‌ردی گورچیله كارده‌كات. * له توێژینه‌وه‌یه‌كی پزیشكیدا ده‌رده‌كه‌وێت كه دژی دروستبوونی نه‌خۆشی شێرپه‌نجه كارده‌كات و هه‌روه‌ها توانای له‌ناوبردنی چه‌ندین جۆری جیاوازی شێرپه‌نجه‌ی هه‌یه. * لیمۆ و هه‌موو ئه‌و میوه‌و سه‌وزانه‌ی كه ڤیتامین (سی) له‌خۆده‌گرن، ئه‌گه‌ری دروستبوونی نه‌خۆشی دڵ و مولوله‌ی خوێن كه‌مده‌كاته‌وه. * پزیشكان رێنمایی به‌و كه‌سانه ده‌ده‌ن لیمۆ بخۆن كه مادده‌ی ئاسنیان له خوێندا كه‌مه، له روونكردنه‌وه‌یه‌كی پزیشكیدا ئاشكرا ده‌بێت كه به‌هۆی خواردنی لیمۆوه جه‌سته‌ی مرۆڤ توانای زیاتر ده‌بێت بۆ ئه‌وه‌ی مادده‌ی ئاسن له هه‌موو ئه‌و خواردنانه‌دا هه‌زم بكات كه ده‌یخۆیت. * به‌هۆی خواردنی لیمۆوه ته‌ندروستی جگه‌ر به‌هێز ده‌بێت، هه‌وڵبده له به‌یانیاندا له كاتی خوراندا یه‌ك په‌رداخ ئاو له‌گه‌ڵ كه‌مێك ئاوی لیمۆ بخۆره‌وه، به‌وشێوه‌یه به‌رده‌وام جگه‌ر له مادده‌ی ژه‌هرو مادده‌ی زیانبه‌خش ده‌پارێزرێت. خاك - س: ئاژانسه‌كان
created by Avesta Group and powered by Microsoft Azure