سووده‌كانی قه‌یسی

به‌پێی ڕێنماییه‌كانی د.كامه‌ران ڕه‌سوڵ پسپۆڕی زانستی خۆراك، قه‌یسی ئه‌م سووده‌ گرنگانه‌ی هه‌یه‌:

1- قه‌یسی ده‌بێته‌ هۆی پاراستنی ته‌ندروستی چاو و به‌هێزكردنی بینین و خۆپاراستن له‌ شه‌وكوێری و نه‌خۆشی پوكانه‌وه‌ی هه‌ندێك خانه‌ی بیلبیله‌ی چاو له‌ به‌ساڵاچووه‌كاندا، چونكه‌ شه‌ش ده‌نك قه‌یسی به‌شی پێداویستی ڕۆژانه‌ی ڤیتامین A تێدایه‌.

2- ده‌بێته‌ هۆی پاراستن له‌ نه‌خۆشی دڵ وه‌ك جه‌ڵته‌ی دڵ و نه‌خۆشی ته‌سكبوونه‌وه‌ی خوێنبه‌ره‌كان له‌گه‌ڵ دابه‌زینی كولیسترۆڵی خراپ له‌ خوێندا.

3- قه‌یسی بۆ به‌هێزكردنی كۆئه‌ندامی به‌رگری له‌ش و پاراستنی ته‌ندروستی شانه‌و خانه‌كانی به‌سووده‌.

4- ده‌بێته‌ هۆكارێك بۆ چاره‌سه‌ری قه‌بزی و ڕێگه‌گرتن لێی و چالاككردن و پاككردنه‌وه‌ی ڕێخۆڵه‌ له‌ مادده‌ ژه‌هراویه‌كان و كه‌مكردنه‌وه‌ی غازات.

5- چاره‌سه‌ری كه‌می مادده‌ی ئاسن و كه‌مخوێنی ده‌كات.

6- یارمه‌تی دابه‌زینی كێش ده‌دات له‌كاتی ڕێجیم له‌گه‌ڵ خۆپاراستن له‌گه‌ڵ قه‌ڵه‌وی.

7- ده‌بێته‌ هۆی به‌هێزكردنی مووه‌كانی قژو پاراستن له‌ سپیبوون و هه‌ڵوه‌رینی قژ.

8- پاراستنی ته‌ندروستی پێست و گه‌شبوونه‌وه‌ی و نه‌هێشتنی چرچ و لۆچ و خاڵ و زیپكه‌و سیسی ده‌موچاو.

9- ده‌بێته‌ هۆی پاراستن له‌ نه‌خۆشی نه‌رمبوونه‌وه‌ی ئێسك.

10- رێگریكردن له‌ چه‌ندین جۆری شێرپه‌نجه‌ به‌تایبه‌ت شێرپه‌نجه‌ی جگه‌رو سیه‌كان و سورێنچك.


خاك – تانیا ئاواره‌