26/6/2018 10:52 AM

كه‌می مه‌گنسیۆم له‌ له‌شداو نیشانه‌و كاریگه‌رییه‌ لاوه‌كییه‌كانی

مه‌گنسیۆم یه‌كێكه‌ له‌ كانزا گرنگه‌كان بۆ له‌ش، له‌ش له‌ڕێی ئێسك و ددان و ماسولكه‌وه‌ هه‌ڵیده‌مژێت، بۆیه‌ كه‌می ئه‌م كانزایه‌ كاردانه‌وه‌ی لاوه‌كی دروستده‌كات و مه‌ترسی زۆره‌ له‌كاتی كه‌مبوونه‌وه‌ی به‌ڕێژه‌یه‌كی زۆر له‌ له‌شدا.

چه‌ندین هۆكار هه‌یه‌ ده‌بنه‌ هۆی كه‌مبوونه‌وه‌ی مه‌گنسیۆم، گرنگترینیان كه‌م خواردنی ئه‌و خۆراكانه‌ی ئه‌م كانزایه‌ی تێدایه‌، هه‌روه‌ها به‌ره‌وپێشچوونی ته‌مه‌ن و كێشه‌ی هۆڕمۆنه‌كان و هه‌ندێك جۆری ده‌رمان، ئه‌مه‌ جگه‌ له‌ كه‌می ڤیتامین دی و به‌رزبوونه‌وه‌ی رێژه‌ی كافایین له‌ خوێندا.

نیشانه‌كانی كه‌می مه‌گنسیۆم:
1- ده‌بێته‌ هۆی لاوازبوونی ئێسكه‌كان و شاشبوونی به‌تایبه‌ت پاش ته‌مه‌نی 40 بۆ 45 ساڵی.

2- دڵ تێكه‌ڵهاتن و نه‌مانی ئاره‌زووی خواردن.

3- ئازاری ماسولكه‌كان و گرژبوونیان، هه‌روه‌ها مێرووله‌كردنی ماسولكه‌كان و موچركه‌.

4- كه‌می هۆڕمۆناتی غوده‌ی ده‌ره‌قی.

5- بوونی كێشه‌ له‌ گورچیله‌كان.

6- به‌رزبوونه‌وه‌ی فشاری خوێن كه‌ ده‌بێته‌ هۆی توشبوون به‌ نه‌خۆشییه‌كانی دڵ.

7- ئاره‌قكردنه‌وه‌ی زۆرو ئه‌سته‌می له‌ خه‌وتندا.

باشترین چاره‌سه‌ر بۆ دووركه‌وتنه‌وه‌ له‌ كه‌می مه‌گنسیۆم، رۆژانه‌ خواردنی ئه‌و خۆراكانه‌ی رێژه‌یه‌كی باش مه‌گنسیۆمی تێدایه‌، وه‌كو: (گازۆ، چۆكۆلاته‌ی تۆخ "تاڵ"، ماسی، مۆز، سه‌وزه‌و پاقله‌مه‌نیه‌كان، دانه‌وێڵه‌ ساغه‌كان).

خاك - سیڤا ئازاد
س: لیالینا






زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved