فیلمی (ئهیلان)ی دهرهێنهر جوبرائیل ئهبوبهكر كه به سپۆنسهری زانكۆی نۆلج بهرههمهێنراوه، له فێستیڤاڵێكی سینهمایی نێونهتهوهیی له وڵاتی ئهمریكا خهڵاتی باشترین فیلمی پێبهخشرا. دهرهێنهر جوبرائیل ئهبوبهكر لهبارهی وهرگرتنی ئهو خهڵاتهوه وتی: فیلمی (ئهیلان) له فێستیڤاڵی ئهندی بیست فیلمزی ئهمریكا خهڵاتی سێههمی باشترین فیلمی فێستیڤاڵهكهی پێبهخشرا. خهڵاتهكهش هی مانگهكانی نیسان و ئایارو حوزهیرانی 2018 بوو. لهبارهی چیرۆكی فیلمهكهوه دهرهێنهر جوبرائیل ئهبوبهكر وتی: "یرۆكی فیلمهكه باس له ئهیلان كوردی دهكات كه له سوریا شهڕ دهستپێدهكات لهگهڵ خێزانهكهی رێگهی تاراوگه دهگرنهبهرو بهرهو توركیا بهڕێدهكهون، بهڵام لهوێ بهرلهوهی بگهن به كهناری ئارامی شهپۆلهكانی دهریا دهیكاته قوربانی. فیلمی سینهمایی (ئهیلان) لهلایهن جوبرائیل ئهبوبهكر كاری دهرهێنانی بۆ كراوهو ئومێد رۆژ كاری مۆسیقای فیلمهكهی جێبهجێكردووهو ههروهها ئالان رۆژبهیانی كاری گرافیك و دیزاینی فیلمهكهی جێبهجێ كردووه. دواههمین فیلمی سینهمایی دهرهێنهر جوبرائیل ئهبوبهكر فیلمێك بوو بهناوی (بێدهنگی ئاسمان) كه لهكهمتر له ساڵێكدا له 54 فێستیڤاڵی سینهمایی جیهانیدا بهشداری كردو چهندین خهڵاتی بهدهستهێنا. جوبرائیل ئهبوبهكر رهحمان لهدایكبووی ساڵی 1983ی شاری ههولێره، له ساڵی 2001هوه دهستیداوهته كاری سینهمایی و لهنزیكهی 40 كورته فیلمدا یاریدهدهری وێنهگر بووهو له 13 فیلمی سینهمایی درێژیشدا یاریدهدهری وێنهگر بووه له ساڵی 2010هوه كاری دهرهێنانی سینهمایی دهكات. خاك - شۆڕش محهمهد
created by Avesta Group and powered by Microsoft Azure