19/8/2018 09:14 AM

رێنمایی بۆ خۆپاراستن له‌ په‌تای سكچوون

بۆ خۆپاراستن له‌ په‌تای سكچوون ئه‌م ڕێنماییانه‌ی خواره‌وه‌ جێبه‌جێ بكه‌

1- پێویسته‌ تانكی ئاوی خواردنه‌وه‌ به‌رده‌وام پاكبكرێته‌وه‌، بۆ نموونه‌ لانیكه‌م شه‌ش مانگ جارێك و ده‌بێت تانكی ئاوه‌كان به‌رده‌وام سه‌ری داپۆشراو بێت.

2- سه‌وزه‌و میوه‌ به‌باشی بشۆردرێته‌وه‌ به‌ مادده‌ی په‌رمه‌نگه‌ناتی پۆتاسیۆم.

3- خواردنی سه‌ر عه‌ره‌بانه‌و ده‌ستگێڕه‌كان مه‌ترسیدارن و خۆتیان لێ بپارێزه‌ بۆ دووربونت له‌ نه‌خۆشی سكچوون.

4- له‌كاتی بینینی هه‌ر سه‌رپێچییه‌ك كه‌ زیان به‌ ته‌ندروستی هاووڵاتیان بگه‌یه‌نێت، پێویسته‌ نزیكترین بنكه‌ی ته‌ندروستی یاخود به‌ڕێوه‌به‌رایه‌تی خۆپاراستنی ته‌ندروستی سلێمانی لێ ئاگاداربكه‌نه‌وه‌.

5- دڵنیابه‌ له‌ سه‌رچاوه‌ی ئاوی خواردنه‌وه‌كه‌ت و پاكوخاوێن  ڕاگرتنی.

6- نه‌خواردنی ئه‌و به‌روبومانه‌ی به‌ ئاوی قورس و پیس ئاوده‌درێت.

7- شوشتنی ده‌سته‌كانت به‌باشی پێش ئاماده‌كردنی خواردنه‌كان و دوای چوونه‌ ته‌والێت و پێش نانخواردن.

8- ته‌نها به‌فرگری ماڵه‌كانتان به‌كاربهێنن بۆ ساردكردنی ئاوی خواردنه‌وه‌، به‌هیچ شێوه‌یه‌ك سه‌هۆڵ و به‌فری سه‌رجاده‌ و كۆڵانه‌كان به‌كارمه‌هێنه‌، چونكه‌ ڕه‌نگه‌ به‌ ئاوی پاكژكراو دروست نه‌كرابێت.


خاك - س/ ته‌ندروستی سلێمانی



created by Avesta Group and powered by Microsoft Azure

Copyright © 2015 khaktv all rights reserved