29/8/2018 08:55 AM

باوه‌ش به‌خش.. ئه‌وكاره‌ی كاتژمێری به‌ 40 دۆلاره‌

له‌گه‌ڵ زۆربوونی فشاره‌كانی ژیان و كار، رێژه‌ی نائارامی ده‌روونی زیاد ده‌كات، بۆیه‌ پێویستی مرۆڤ بۆ سه‌رچاوه‌كانی ئارامبوونه‌وه‌ زیاتر ده‌بێت، ئه‌مه‌ش وای له‌ كۆمپانیایه‌ك كردووه‌ بۆ پێشكه‌شكردنی خزمه‌تگوزاری باوه‌ش و گه‌ڕان به‌دوای باوه‌ش به‌خشێكی لێهاتوو به‌بڕی 40 دۆلار له‌ كاتژمێرێكدا.

كۆمپانیایه‌كی به‌ریتانی به‌ ناوی team tactics رایگه‌یاندووه‌: چالاكی باوه‌ش رێكده‌خات بۆ ئه‌و فه‌رمانبه‌رانه‌ی هه‌ست به‌ فشاری ده‌روونی ده‌كه‌ن و به‌دوای كه‌سێكدا ده‌گه‌ڕٍێن باوه‌شێكیان پێببه‌خشێت.

ئه‌م چالاكییه‌ له‌ژێر ره‌شماڵێكدا رێكده‌خرێت و شێوازی هێوركردنه‌وه‌ی كه‌لتووری هندییه‌كان به‌كارده‌هێنرێت و رۆژانه‌ ماوه‌ی 8 كاتژمێر به‌رده‌وام ده‌بێت، بۆ ئه‌وه‌ی به‌شداربووان زۆرترین باوه‌ش به‌ده‌ستبهێنن.

به‌پێی لێكۆڵینه‌وه‌كان، باوه‌ش پێداكردن و دروستكدنی په‌یوه‌ندی له‌ كه‌سانی تر له‌ڕێی به‌ریه‌ككه‌وتن، ده‌بێته‌ هۆی ده‌ردانی هۆڕمۆنی دڵخۆشی وه‌ك سیرۆتونین و ئۆكسیتوسین كه‌ ره‌وشت و هه‌ستی كه‌سه‌كان ده‌گۆڕێت.

خاك - سیڤا ئازاد
س: سكای نیوز











زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved