29/8/2018 09:12 AM

له رێی Google Go به‌ده‌نگ و ره‌نگ گه‌ڕان بۆ بابه‌ته‌كانت بكه‌

كۆمپانیای گوگڵ تایبه‌تمه‌ندیيه‌ك بۆ گه‌ڕان به‌دوای زانیاریدا زیاد ده‌كات و خوێنه‌ران ده‌توانن به‌ ده‌نگ و ره‌نگ یاخود ته‌نها به‌ ده‌نگ بابه‌ته‌كانیان ده‌ستبكه‌وێت.

له‌وباره‌یه‌وه،‌ یوسی ماتیاس جێگری سه‌رۆكی كۆمپانیای گوگڵ رایگه‌یاندووه‌: ئه‌و تایبه‌تمه‌ندییه‌ وا له‌ خوێنه‌ر ده‌كات كه‌ زووترو باشتر ئه‌و بابه‌تانه‌یان ده‌ستبكه‌وێت كه‌ به‌دوایدا ده‌گه‌ڕێن.

وتیشی: خوێنه‌ران ده‌توانن له رێگه‌ی Google Go له‌و تایبه‌تمه‌ندییه‌ سوودمه‌ندبن و ئه‌و بابه‌تانه‌ی ده‌یانه‌وێت به‌ ده‌نگ و ره‌نگ یاخود ته‌نها به‌ده‌نگ ده‌ستیان بكه‌وێت.

جێگری سه‌رۆكی كۆمپانیای گوگڵ راشیگه‌یاند: له ‌ئێستادا ئه‌و تایبه‌تمه‌ندییه‌ به‌ 28 زمانی جیهانی به‌رده‌سته‌و به‌كارهێنه‌ر ده‌توانێت بابه‌ت و هه‌واڵی درێژو مامناوه‌ندی ده‌ستبكه‌وێت، هه‌روه‌ها به‌كارهێنه‌ر ده‌توانێت خێرایی ده‌نگه‌كه‌ زیادبكات یان كه‌میبكاته‌وه‌، له‌گه‌ڵ ئه‌وه‌شدا ده‌توارێت خێرایی خوێندنه‌وه‌كه‌ زیادبكات یان خاوی بكاته‌وه‌.


خاك - ئاژانسه‌كان



created by Avesta Group and powered by Microsoft Azure

Copyright © 2015 khaktv all rights reserved