15/9/2018 11:02 AM

كۆمپانیای ڤۆلڤۆ ئۆتۆمبێلێكی بارهه‌ڵگرى ئه‌لیكترۆنی دروستده‌كات كه‌ كابینه‌ی شۆفێری نییه‌

كۆمپانیای ڤۆلڤۆی سویدی، دووهه‌م به‌رهه‌مهێنه‌ری گه‌وره‌ی ئۆتۆمبێلێكی بارهه‌ڵگر، جۆرێكی نوێی ئۆتۆمبێلێكی بارهه‌ڵگر ئه‌لیكترۆنی دروستده‌كات كه‌ پێویستی به‌ شۆفێر نییه‌.

ئامانجی ئه‌م كۆمپانیایه‌ ئه‌وه‌یه‌ كه‌ وه‌ڵامی داخوازییه‌كان له‌ سه‌رده‌می بازرگانی ئه‌لیكترۆنی و هه‌روه‌ها كه‌می شۆفیری بارهه‌ڵگره‌كان بێت.

ڤۆڵڤۆ ده‌ڵێت كه‌ بارهه‌ڵگره‌كه‌ كابینه‌ی شۆفێری نابێت و ئێستا سه‌رقاڵی په‌ره‌پێدانین، به‌ڵام ئاشكرای نه‌كرد كه‌ی ئه‌م به‌رهه‌مه‌ ده‌كه‌وێته‌ به‌رده‌ست.

سه‌ره‌تا چاوه‌ڕوان ده‌كرێت كه‌ له‌ ناوه‌نده‌ لۆجیستیكییه‌ گه‌وره‌كان و ده‌روازه‌كان كه‌ڵك له‌م بارهه‌ڵگره‌ وه‌ربگیرێت. چونكه‌ بارهه‌ڵگره‌كان له‌ ده‌ره‌وه‌ی شاره‌ قه‌ره‌باڵغه‌كان زیاتر به‌كاردێن، ته‌كنه‌لۆژی زیره‌كی ئۆتۆمبێلی ئه‌لیكترۆنی له‌مجۆره‌ ئۆتۆمبێلانه‌دا باشتره‌.

خاك – ئا/ سه‌مه‌د كورده‌




created by Avesta Group and powered by Microsoft Azure

Copyright © 2015 khaktv all rights reserved