19/9/2018 08:59 AM

زریانێكی به‌ھێز سێ وڵاتی جیهانی گرتۆته‌وه‌

ژماره‌ی ئه‌و كه‌سانه‌ی به‌ھۆی زریانی فلورنس له‌ باشوری خۆرھه‌ڵاتی ئه‌مریكا گیانیان له‌ده‌ستداوه‌ بۆ 31 كه‌س به‌رزده‌بێته‌وه‌و زه‌ره‌رو زیانه‌كانیش به‌ 22 ملیار دۆلار مه‌زه‌نده‌ كراوه‌.

لێپرسراوانی ئه‌مریكا بڵاویانكرده‌وه‌، بارانبارین و لافاو به‌ھۆی زریانی "فلۆرنس"ـه‌وه‌ زۆرترین زیانی به‌ ویلایه‌تی "نۆرس كارولینا" گه‌یاندووه‌و به‌ ته‌نھا له‌و ویلایه‌ته‌ 25 كه‌س گیانیان له‌ده‌ستداوه‌.

له‌ ساوس كارولیناش 6 كه‌س گیانیان له‌ده‌ستداوه‌. ھه‌ر به‌ھۆی زریانه‌كه‌وه‌ ته‌زووی كاره‌بای نزیكه‌ی 800 ھه‌زار خانوو له‌ ئه‌مریكا بڕاوه‌.

ھاوكات، زریانی مانگخوت كه‌ فلپین و باشووری چینی گرتووه‌ته‌وه‌ به‌ھۆیه‌وه‌ 60 كه‌س له‌ فلیپین گیانیان له‌ده‌ستداوه‌و 29 كه‌سیش بێسه‌روشوێنن، له‌ ھه‌رێمی گوانگدۆنگی چینیش چوار كه‌س گیانیان له‌ده‌ستداوه‌و زیاتر له‌ 200 كه‌سیش برینداربوون.

به‌پێی زانیارییه‌كان، دوو ملیۆن و 500 ھه‌زار كه‌س ماڵ و حاڵی خۆیان به‌جێھێشتووه‌و ژماره‌یه‌ك گه‌شتی ئاسمانی و ھێڵی ئاسنین راگیراون و ته‌زووی كاره‌باش بڕاوه‌.

 
خاك - ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved