پۆلیسی راپەڕین رایگەیاند، هاووڵاتیەك بەهۆی خواردنەوەی ماددە كحولییەكان بێهۆش بووەو دواتر لە نەخۆشخانەی فریاكەوتنی سلێمانی گیانی لەدەستداوە. بەڕێوەبەرایەتی پۆلیسی راپەڕین لە راگەیەنراوێكیدا كە وێنەیەكی گەیشتۆتە خاك، رایگەیاندووه: هاووڵاتیەك بەناوی (ح.ر.ح) لەدایكبووی ساڵی 1979 پیشەی پێشمەرگە، دانیشتووی قەڵادزێ گەڕەكی ئاشتی بەبێ هۆشی گەیەنراوەتە نەخۆشخانەی گشتی قەڵادزێ. رونیشیكردۆتەوە، پاش پشكینینی پزیشكی دەركەوتووە بەهۆی خواردنەوەی ماددە كحولییەكان بێهۆش بووەو شەوی رابردوو لە نەخۆشخانەی فریاكەوتنی سلێمانی گیانی لەدەستداوە. ئەوەشی خستۆتەڕوو كە پەڕاوی لێكۆڵینەوە بۆ روداوەكە كراوەتەوەو لێكۆڵینەوەش بەردەوامە. خاك
created by Avesta Group and powered by Microsoft Azure