27/10/2018 09:31 AM

پیسبوونی كه‌شوهه‌وا گه‌شته‌كانی فڕۆكه‌خانه‌ی سلێمانی راگرت

تێكچوونی ئه‌و باردۆخه‌ی له‌ كه‌شوهه‌وای هه‌رێمی كوردستاندا ڕوویداوه‌و سلێمانی و ده‌وروبه‌ری گرتۆته‌وه‌، كاریگه‌ری له‌سه‌ر گه‌شته‌كانی فڕۆكه‌خانه‌ی نێوده‌وڵه‌تی سلێمانی دروستكردووه‌.

له‌مباره‌یه‌وه‌ ئه‌ندازیار تاهر عه‌بدوڵڵا قادر به‌ڕێوه‌به‌ری گشتی فڕۆكه‌خانه‌ی سلێمانی رایگه‌یاندووه: به‌هۆی دابه‌زینی مه‌ودای بینینی سه‌ر ئاسمانی فڕۆكه‌خانه‌ی سلێمانی بۆ  كه‌متر له‌و رێژه‌یی پێوانه‌كراوه‌و بۆ سه‌لامه‌تی بۆ فڕۆكه‌كه‌، له‌ سه‌عات 8:00ی ئه‌مشه‌وه‌وه‌ ئاسمانی فڕۆكه‌خانه‌ داخراوه‌ به‌سه‌ر گه‌شته‌كاندا.

وتیشی: كاتی باشبوونی كه‌شناسی ناوچه‌كه‌ دابینكردنی سه‌لامه‌تی فڕۆكه‌وانی گه‌شته‌كان ده‌ستپێده‌كاته‌وه‌، بڕیاريشه‌ تا كاتژمێر 5:00ی ئه‌مڕۆ ئه‌م بارودۆخه‌ به‌رده‌وامبێت، به‌ڵام  تا كاتی باشبوونی بارودۆخی كه‌شناسی و چاكبوونی مه‌ودای بینین گه‌شته‌كان ده‌ستپێده‌كاته‌وه‌.



خاك - به‌شی په‌یوه‌ندییه‌ گشتیه‌كان و ڕاگه‌یاندنی فڕۆكه‌خانه‌ی نێوده‌وڵه‌تی سلێمانی




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved