پرۆژەی ڕۆشنبیریی گوڵیار لەمەراسیمێکی تایبەتدا (١٥)کتێبی نوێی بڵاوکردەوە ئەم پرۆژەیە لەسەرەتای دروستبونییەوە هەتائێستا چەندین کاروچالاکی نوێی ئەنجامداوە، ئەم پرۆژەیە لەلایەن هەریەکە لەنوسەران جەبار عوسمان و هێمن بەرزنجی بەشێوەیەکی سەربەخۆ بەڕێوە دەبرێت. کارەکانی ئەم پرۆژەیە بەهاوکاری سپۆنسەر و ئەو کەسانە دەکرێت کەهاوکاری بواری ڕۆشنبیرییەکان دەکەن. جەبار عوسمان سەرپەرشتیاری گشتی پڕۆژەی گوڵیار بەخاکی ڕاگەیاند:گوڵیار پڕۆژەیەکی ڕۆشنبیرییه و زیاتر گرنگیی به چاپکرن و ناساندنی دەقی نوسەرەکانی کورد بەگشتی و گەنجان بەتایبەتی دەدات،ئەو کتێبانەی چاپ دەکرێن تایبەتن بە بواری ئەدەبی وەک شیعر و چیرۆک و ڕۆمان و لێکۆڵینەوه و بابەتی فەلسەفی و ئەفسانەییەکان. وتیشی:بڵاوبونەوەی ئەم کتێبانە بەسپۆنسەری گروپی قەیوان، لەگەڵ بەڕێوەبەرایەتی گشتیی رۆشنبیری و هونەر ٢٧کتێبمان ئامادەیە بۆ چاپ و لەئیستادا ١٥یان بڵاوبونەتەوە نرخی کتێبەکانیش گونجاون لەگەڵ ئەم دۆخه ئابورییەی ئێستادا و لەسەدا ٢٠ داشکاندنمان بۆ کردوون.لەگەڵ کردنەوەی ناوەندی ڕۆشنبیریی ڕەهەندا لەشاری سلێمانی پرۆژەی گوڵیار کتێبەکانی خۆی بڵاوکردەوە خاک-تانیائاوارە
created by Avesta Group and powered by Microsoft Azure