22/11/2018 10:45 AM

سووده‌كانی نیسك بۆ منداڵان

منداڵ پێویستی به‌ خۆراكی ده‌وڵه‌مه‌ند به‌ پێكهاتووه‌ گرنگه‌كان هه‌یه‌ له‌پێناو ته‌ندروستییه‌كی باش و گه‌شه‌ی هه‌موو خانه‌كانی له‌شی، نیسك یه‌كێكه‌ له‌و خۆراكه‌ باشانه‌ كه‌ به‌هۆی هه‌رزانی نرخه‌كه‌یه‌وه‌ جێگره‌وه‌یه‌كی گونجاوه‌ له‌بری گۆشت و مریشك و ماسی.

له‌باره‌ی سووده‌كانی نیسك بۆ منداڵان د.كامه‌ران ڕه‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی به‌ سایتی خاكی ڕاگه‌یاند: گرنگترین سووده‌ ته‌ندروستییه‌كانی نیسك بۆ منداڵ ئه‌مانه‌ن:
1- گه‌شه‌و به‌هێزكردنی ماسولكه‌كان، چونكه‌ سه‌رچاوه‌یه‌كی ده‌وڵه‌مه‌ندی پڕۆتینه‌و هه‌موو ترشه‌ ئه‌مینیه‌كانی تێدایه‌ كه‌ جه‌سته‌ پێویستیه‌تی.
2- باشكردنی كۆئه‌ندامی هه‌رس و كه‌مكردنه‌وه‌و ڕێگریكردن له‌ قه‌بزی، چونكه‌ ده‌وڵه‌مه‌نده‌ به‌ مادده‌ ڕیشاڵیه‌كان.
3- پاراستنی منداڵ له‌ كه‌مخوێنی و چاره‌سه‌ركردنی بڕێكی زۆر له‌ مادده‌ی ئاسنی تێدایه‌ له‌گه‌ڵ فۆلیدك ئه‌سیدو مس.
4- ده‌وڵه‌مه‌نده‌ به‌ كۆمه‌ڵێك له‌ فینۆڵه‌كان كه‌ مادده‌ی دژه‌ ئۆكسانه‌.
5- بۆ گه‌شه‌ی باڵای منداڵ به‌سووده‌ چونكه‌ زۆربه‌ی پێكهاتووه‌ گرنگه‌كانی ئێسكی تێدایه‌ بێجگه‌ له‌ كالسێوم و ڤیتامین دی ، وه‌ك فوسفۆڕو مه‌نگه‌نیزو پڕۆتین.
6- بۆ خۆپاراستن له‌ كێشی زۆرو قه‌ڵه‌وی له‌كاتی منداڵی و دواتر، به‌ڵام له‌هه‌مانكاتدا به‌كه‌ڵكه‌ بۆ ئه‌و منداڵانه‌ی ئیشتهایان كه‌مه‌.
7- بۆ كۆنترۆڵكردنی ئاستی شه‌كره‌ له‌و منداڵانه‌ی نه‌خۆشی شه‌كره‌یان هه‌یه‌ به‌سووده‌، له‌گه‌ڵ خۆپاراستن له‌ توشبوون به‌ نه‌خۆشی شه‌كره‌ی جۆری دووه‌م.
8- پاراستنی ته‌ندروستی دڵ.
9- كه‌مكردنه‌وه‌ی دڵه‌ڕاوكێ و دڵته‌نگی و تووڕه‌یی و باشكردنی میزاج.

وتیشی: زۆر خواردنی نیسك ده‌بێته‌ هۆی:
1-ئاوسانی سك و ئازاری ناوسك و زیادكردنی غازات له‌ هه‌ندێك منداڵدا.
2-دروستبوونی به‌ردی گورچیله‌ له‌و منداڵانه‌ی كێشه‌ی هه‌وكردنی درێژخایه‌ن و به‌ردی گورچیله‌و سستی گورچیله‌یان هه‌یه‌.
3-له‌كاتی لێنانی باشتره‌ هیچ زه‌یت یان ڕۆنی تێنه‌كرێت یان بڕێكی زۆر كه‌م له‌ زه‌یتی زه‌یتوون یان كه‌تان.
4-خۆراكی منداڵان پێویسته‌ هه‌مه‌جۆر بێت و ڕۆژانه‌ دوو بۆ سێ جار میوه‌و سه‌وزه‌ بخوات.


خاك – تانیا ئاواره‌



created by Avesta Group and powered by Microsoft Azure

Copyright © 2015 khaktv all rights reserved