28/11/2018 10:53 PM

ده‌رئه‌نجامه‌ نه‌رێنییه‌كانی نه‌شته‌رگه‌ری جوانكاری لوت

نه‌شته‌رگه‌ری لوت هه‌ندێكجار به‌مه‌به‌ستی جوانكاری ئه‌كرێت و هه‌ندێكجاریش به‌مه‌به‌ستی چاره‌سه‌ری پزیشكی، تێیدا كرۆژه‌، ئێسك و پێستی لوت ئاڵوگۆڕیان به‌سه‌ردێت و ئه‌م ئاڵوگۆڕه‌ش بێ لێكه‌وته‌ نییه‌.

ئه‌و مه‌ترسیانه‌ی له‌وانه‌یه‌ پاش نه‌شته‌رگه‌ری جوانكاری لوت ڕووبده‌ن:
*به‌ربوونی خوێنی لوت به‌ شێوه‌یه‌كی به‌رده‌وام
*دژواری هه‌ناسه‌ هه‌ڵكێشان له‌ڕێگای لوته‌وه‌
*سڕبوونی هه‌میشه‌یی ناو لوت و ده‌وروپشته‌كه‌ی
*تێكچوونی هاوته‌ریبی ڕووخسار
*كونبوونی دیواری ناو لوت

ئاگادارییه‌كانی دوای نه‌شته‌رگه‌ری لوت:
*خۆتان دوور ڕابگرن له‌ هه‌ندێك چالاكی وه‌كو ڕاكردن و سه‌رجه‌م ئه‌م وه‌رزشانه‌ی پێویستیان به‌ جوڵه‌ی زۆره‌.
*تا ئه‌وكاته‌ی لوتتان باندج كراوه‌و هه‌ڵپێچراوه‌، ته‌نیا به‌ڕاوێژی پزیشك بڕۆنه‌ گه‌رماو و ناو وانه‌وه‌.
*به‌مه‌به‌ستی خاوێنكردنه‌وه‌، زه‌خت له‌ لوتان مه‌كه‌ن.
*ئه‌و خواردنانه‌ بخۆن كه‌ هه‌ڵگری فیبرن، چونكه‌ مادده‌ی فیبر دژی قه‌بزییه‌و كاتێك ئه‌ڕۆنه‌ ته‌والێت ئیتر زۆر له‌ خۆتان ناكه‌ن و زه‌خت ناخه‌نه‌سه‌ر لوتتان.
*به‌هێواشی فڵچه‌ی ددان به‌كاربهێنن تاوه‌كو لێوی سه‌ره‌وه‌تان زۆر نه‌جوڵێت.

خاك – سه‌مه‌د كورده‌




created by Avesta Group and powered by Microsoft Azure

Copyright © 2015 khaktv all rights reserved