كاغه‌زی ئه‌له‌منیۆم بۆ خۆراك مه‌ترسیداره‌

له‌ زۆر شوێن ده‌بینین كاغه‌زی ئه‌له‌منیۆم به‌كادێت بۆ برژاندنی خۆراك له‌ناو فڕندا به‌تایبه‌تی ماسی گۆشت و مریشك و ته‌ماته‌، كه‌ ئه‌مه‌ش زیان به‌ ته‌ندروستیمان ده‌گه‌یه‌نێت.

سه‌باره‌ت به‌ زیانه‌كانی كاغه‌زی ئه‌له‌منیۆم له‌شكر حه‌مید ئه‌ندازیاری خۆراك چه‌ند روونكردنه‌وه‌یه‌كی بۆ سایتی خاك كردو وتی:

*ئه‌و ئه‌له‌منیۆمه‌ی به‌كاردێت كوالیتی نییه‌و له‌به‌ر گرانی ئه‌له‌منیۆم به‌شی زۆری له‌ موادی نایلۆن تێكه‌ڵ ده‌كرێت و به‌ناوی ئه‌له‌منیۆم ده‌فرۆشرێت.
*به‌كارهێنانی كاغه‌زی ئه‌له‌منیۆم بۆ چێشتلێنان به‌زۆری به‌كارده‌هێنرێت كه‌ زیانی زۆر گه‌وره‌یان بۆ ته‌ندروستی مرۆڤ هه‌یه‌.
*كاغه‌زی ئه‌له‌منیۆم كاتێك خواردنه‌كانی پێده‌پێچرێت و ده‌خرێته‌ ناو فڕنه‌وه‌، له‌گه‌ڵ گه‌یشتنی به‌ پله‌ی گه‌رمی به‌رز ئه‌له‌منیۆم ده‌ست به‌ توانه‌وه‌ ده‌كات و له‌گه‌ڵ خۆراكه‌كه‌ تێكه‌ڵ ده‌بێت و گه‌وره‌ترین هه‌ڕه‌شه‌ له‌سه‌ر ژیانی مرۆڤ دروستده‌كات.
*زۆربوونی ئه‌له‌منیۆم له‌ جه‌سته‌ ده‌بێته‌ هۆی توشبوون به‌ نه‌خۆشی زه‌هایمه‌رو داخورانی ئێسك و به‌ خێرایی جه‌سته‌ی مرۆڤ له‌ناوده‌بات، گرفتی گه‌وره‌ بۆ گورچیله‌و مێشك و ڕژێنی ده‌ره‌قی و جگه‌ر دروستده‌كات و كۆئه‌ندامی ده‌مار تێكده‌دات.
-به‌كارهێنانی كاغه‌زی ئه‌له‌منیۆم بۆ برژاندنی ته‌ماته‌ و لیمۆ و په‌تاته‌ و ڕووه‌كه‌كان زیانه‌كانی دوو هێنده‌ مه‌ترسیدارتر ده‌بن، بۆیه‌ به‌هه‌موو شێوه‌یه‌ك پێویسته‌ له‌ به‌كارهێنانی كاغه‌زی ئه‌له‌منیۆم بۆ دروست كردنی خواردن دوور بكه‌ونه‌وه‌


خاك – تانیا ئاواره‌