19/12/2018 11:39 AM

ئه‌و خۆراكانه‌ی چه‌وری ورگ زیاد ده‌كه‌ن

كۆبوونه‌وه‌ی چه‌وری له‌ناو سك و ورگ یه‌كێكه‌ له‌ كێشه‌ باوه‌كان كه‌ ده‌رئه‌نجامی خراپی لێده‌كه‌وێته‌وه‌و ئه‌گه‌ری توشبوون به‌ كۆمه‌ڵێك نه‌خۆشی زیاترده‌كات وه‌ك نه‌خۆشییه‌كانی دڵ، شه‌كره‌، ئێسكه‌نه‌رمه‌.

د.كامه‌ران ڕه‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی به‌ سایتی خاكی راگه‌یاند: سه‌ره‌تا ده‌بێت بزانین جۆره‌كانی چه‌وری ورگ چین و كام خۆراكانه‌ چه‌ورییه‌كه‌ زیاد ده‌كه‌ن. ئه‌ویش دوو جۆری هه‌یه‌:
1- ئه‌وجۆره‌ی ئه‌بینرێت و له‌ دیوی ده‌ره‌وه‌ی دیواری سك كۆده‌بێته‌وه‌.
2- ئه‌وجۆره‌ی نابینرێت و له‌ دیوی ناوه‌وه‌ی دیواری سك و له‌ده‌وری ڕیخۆڵه‌و جگه‌رو ئه‌ندامه‌كانی تر كۆده‌بێته‌وه‌.

 كۆمه‌ڵێك خۆراك چه‌وری ورگ زیاد ده‌كه‌ن:
پیتزا
گۆشتی سوور
خواردنی فاست فوود وه‌ك هه‌مبه‌رگرو گه‌س و كنتاكی
چپس
په‌تاته‌ی سووركراوه‌و فنگر چپس
شه‌ربه‌تی میوه‌
ئیشی هه‌ویر وه‌ك كولیچه‌و كێك و برمه‌
دۆندرمه‌و ئاسكریم و سارده‌مه‌نیه‌كانی تر
گۆشتی دروستكراو وه‌ك گۆشتی قوتوو و ستیك و كنتاكی و باسترمه‌
خواردنه‌وه‌ گازیه‌كان وه‌ك بیبسی، كۆلا ،فانتا، سێفن، سپڕایت
خواردنه‌وه‌ كحولیه‌كان

باشترین خۆراك بۆ كه‌مكردنه‌وه‌ی چه‌وری ورگ:
قاوه‌ی سه‌وزو چای سه‌وز
گێلاس و قۆخ و هه‌رمێ و سێو
شاتوو و توتڕك و شلیك
شۆڤان
بیبه‌ری تون
سه‌وزه‌ی تازه‌ وه‌ك ترۆزی، مه‌عده‌نووس، نه‌عنا
شووتی و ترێ، به‌مه‌رجێك زۆری لێ نه‌خورێت
هه‌ڵوژه‌ی سه‌وزو مزره‌سێو و ڕێواس
ماسی سه‌له‌موون
پاقله‌مه‌نیه‌كان
سركه‌ی سێو
ماستی كه‌م چه‌وری و هێلكه‌ی كوڵاو
سیرو پیازو توور و زه‌نجه‌فیل
ناوكی كه‌تان و بادام و فستق و فه‌ریكه‌گوێزو چواله‌ی سه‌وز

خاك – تانیا ئاواره‌




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved