24/12/2018 09:57 AM

سلێمانی.. بڕێكی زۆر چكلێت له‌ناوده‌برێت

له‌لایه‌ن به‌ڕێوه‌به‌رایه‌تی ئاسایشی سلێمانییه‌وه‌ ده‌ست به‌سه‌ر بڕێكی زۆر چكلێت-دا ده‌گرێت و لیژنه‌ هاوبه‌شه‌كانی قائیمقامیه‌ت له‌ناویده‌به‌ن.

گۆران قادر سه‌رۆكی لیژنه‌ هاوبه‌شه‌كانی قائیمقامیه‌تی سلێمانی رایگه‌یاند: له‌ كۆگایه‌كی عه‌مباركردنی خوارده‌مه‌نی و له‌لایه‌ن به‌ڕیوه‌به‌رایه‌تی ئاسایش‌ ده‌ست به‌سه‌ر 317 كارتۆن چكلێت له‌ جۆری (تۆفی) ‌به‌سه‌رچووی نه‌شیاو بۆ خواردن و به‌كارهێنان‌ گیراوه‌.

وتیشی: به‌سوپاسه‌وه‌ هێزه‌ ئه‌منیه‌كان به‌گشتی و به‌تایبه‌ت به‌ڕێوه‌یه‌رایه‌تی ئاسایشی سلێمانی هاوكارێكی باشی لیژنه‌ هاوبه‌شه‌كانه‌ به‌ پێدانی زانیاری یاخود له‌ڕێی بازگه‌كانه‌وه‌ ده‌ست به‌سه‌ر هه‌موو ئه‌و كاڵاو شمه‌كانه‌دا ده‌گرێت كه‌ گومانیان له‌سه‌ره‌و ره‌وانه‌ی قائیمقامیه‌تی سلێمانی ده‌كات بۆ پشكنین و گرتنه‌به‌رى رێكاری پێویست به‌رامبه‌ر خاوه‌نه‌كه‌ی.

ئاماژه‌ی‌ به‌وه‌شكرد، ته‌واوی ئه‌و چكلێته‌ى ده‌ستی به‌سه‌ردا گیراوه‌ له‌لایه‌ن لیژنه‌ی له‌ناوبردنی سه‌ر به‌ لیژنه‌ هاوبه‌شه‌كانه‌وه‌ له‌ ناوچه‌ی تانجه‌رۆی شاری سلێمانی له‌ناوبراوه‌.


خاك - راگه‌یاندنی قائیمقامیه‌تی سلێمانی



created by Avesta Group and powered by Microsoft Azure

Copyright © 2015 khaktv all rights reserved