24/12/2018 03:22 PM

كەچەكۆمار

ڕۆمانی"كەچەكۆمار" نووسینی: عەلا‌و ئەسوانی و ەرگێڕانی: هەڵكەوت عەبدوڵڵا
ئەم ڕۆمانە تازەترین ڕۆمانی نووسەرە و ڕووداوەكانی بەدەوری بەهاری عەرەبی لە میسردا دەسووڕێتەوە. چۆن شۆڕش و خۆپیشاندانەكان لە مەیدانی ئازادییەوە لە قاهیرە دەستپێدەكات و دواتر چۆن خیانەت لە شۆڕشگێڕان دەكرێ. ڕۆمانێك دەستت بە خوێندنەوەی كرد دەستی لێ هەڵناگریت. شۆڕش و خۆشەویستی و نیشتمانپەروەری و دزی و گەندڵی و خیانەت دەگرێتە خۆ.لە چاپكراوەكانی دەزگای چاپ و پەخشی سەردەم. 
ڕۆمانەكە باس لە بارودۆخی سیاسی وكۆمەڵایەتی میسر دەكات لەئان وساتی ڕودانی خۆپیشاندانەكانی یەنایەری ٢٠١١ دژبە حوسنی موبارەك و دواتریش سەركەوتنی شۆڕشی گەلی میسری بە لەكارلابردنی موبارەك و بەشۆڕشی ٢٥ی یەنایەر ناسراوە.
ڕۆمانەكە لەلایەن كەسێكەوە نوسراوە كە بەرهەڵستكارێكی سەرسەختی موبارەك و دوای ئەویش فەرمانڕەوایی عەسكەر و دواتریش فەرمانڕەوایی تاكڕەوانەی ئیخوان بوو، ئێستاش بەرهەڵستكاری سیسی و سیستەمەكەیەتی، چونكە لەكەڵ بیروڕاكانی خۆی ڕاستگۆیە و دەڵێ تەنها دیموكراسی ڕاستەقینە چارەسەرە.
لە میانەی ڕۆمانەكەوە بەوردی ئاشنا دەبین بە هاوپەیمانی و یەكگرتنی هەریەك لە دەزگاكانی (هەواڵگری، سوپا، كۆمپانیا و سەرمایەدارەكان، پاشماوەكانی ڕژێم، پیاوان و دامودەزگای ئاینی بەسیاسی كراو، تەنانەت ئیخوان موسلیمین وسیاسیە خاوەن بەرژەوەندیەكان) هەموو ئەمانە یەك دەگرن لەپێناو لەباربردنی خەونی گەنجە سەربەخۆ و بەجورئەتەكانی میسر كە خاوەنی ڕاستەقینەی شۆڕش بوون.
خاك




created by Avesta Group and powered by Microsoft Azure

Copyright © 2015 khaktv all rights reserved