29/12/2018 10:05 AM

یاساكانی پاراستنی ددان

گرنگیدان به‌ ته‌ندروستی ددانه‌كانمان و پاكڕاگرتنیان یارمه‌تیده‌ره‌ بۆ پاراستنی ته‌ندروستی له‌ش به‌گشتی به‌وهۆیه‌وه‌ پێویسته‌ پابه‌ندی یاساكانی رۆژانه‌ی پاراستنی ددانه‌كانمان ببین كه‌ بریتین له‌:

رۆژی دوو جار پاككردنه‌وه‌ی ددان: ئه‌م ئه‌ركه‌ گرنگترینیانه‌ به‌ڵام زۆر كه‌س پشتگوێی ده‌خات و پێویسته‌ ماوه‌ی هه‌موو ددان پاككردنه‌وه‌یه‌ك به‌ شه‌و و به‌ رۆژ له‌ 2 خوله‌ك كه‌متر نه‌بێت.

زیاده‌ڕۆیی نه‌كردن له‌ پاككردنه‌وه‌ی ددانه‌كان: ئه‌گه‌ر كه‌سێك له‌ رۆژێك له‌ دووجار زیاتر ددانه‌كانی پاككرده‌وه‌و یاخود له‌ دوو خوله‌ك زیاتر بوو ماوه‌ی پاككردنه‌وه‌كه‌ی بۆ نموونه‌ 5 بۆ 8 خوله‌ ئه‌وه‌ ده‌بێته‌ هۆی زیانگه‌یاندن به‌ ددانه‌كه‌و چینی ناسراو به‌ مینا كه‌ پارێزگاری له‌ ددانه‌كه‌ ده‌كات، بۆیه‌ له‌كاتی به‌كارهێنانی فلچه‌ی كاره‌بایی واباشتره‌ زۆر فشار نه‌خرێته‌ سه‌ر ددانه‌كان.

به‌كارهێنانی فلچه‌و په‌ت: پزیشكان زۆر جه‌خت له‌ پاكردنه‌وه‌ی ددانه‌كان ده‌كه‌نه‌وه‌ به‌ فلچه‌و په‌تیش هه‌رچه‌ند شێوه‌ی ددانه‌كانیش رێكنه‌بێت.

دووركه‌وتنه‌وه‌ له‌ خواردنه‌وه‌ گازیه‌كان: خواردنه‌وه‌ی گازیه‌كان زه‌ره‌رێكی زۆر به‌ ددانه‌كان ده‌گه‌یه‌نێت، چونكه‌ رێژه‌یه‌كی زۆری ترشی تێدایه‌ كه‌ چینی مینای ددانه‌كان ده‌خوات و ده‌بێته‌ هۆی كلۆربوونی ددانه‌كه‌.

هه‌روه‌ها زۆر گرنگه‌ چه‌ند مانگ جارێك سه‌ردانی پزیشك بكرێت.

خاك - سیڤا ئازاد
س: روسیا توده‌ی




created by Avesta Group and powered by Microsoft Azure

Copyright © 2015 khaktv all rights reserved