بۆ دایكان.. نابێت ئه‌م خۆراكانه‌ بده‌یت به‌ منداڵه‌كه‌ت

 كۆمه‌ڵێك خواردن ده‌بنه‌ هۆی دابه‌زینی ئاستی زیره‌كی و بیركردنه‌وه‌ی منداڵ‌

جۆره‌كانی خواردن و سیستمی خۆراكی ته‌ندروست ڕۆڵێكی گه‌وره‌ی هه‌یه‌ له‌ گه‌شه‌ی مێشك و كۆئه‌ندامی ده‌مارو پاراستنی ته‌ندروستی ده‌ماغ، لێكۆڵینه‌وه‌ زانستییه‌كان ده‌ریانخستووه‌ كه‌ كۆمه‌ڵێك خواردن كاریگه‌ری خراپی هه‌یه‌ بۆ مێشكی منداڵان و ئاستی زیره‌كی و توانای بیركردنه‌وه‌ به‌تایبه‌ت بۆ منداڵانی كه‌متر له‌ شه‌ش ساڵ یان باشتره‌ زۆر كه‌می لێ بخۆن.

د.كامه‌ران ڕه‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی له‌مباره‌یه‌وه‌ به‌ سایتی خاكی راگه‌یاند: نابێت ئه‌م خۆراكانه‌ بدرێت به‌ منداڵ یاخود ده‌بێت به‌ ڕێژه‌یه‌كی كه‌م به‌كاربهێنرێت:

 ١- فاست فود: وه‌ك گه‌س و هه‌مبه‌رگرو پیتزا
 ٢- برنجی سپی و ئه‌و خواردنانه‌ی له‌ ئاردی سفر دروستده‌كرێن وه‌ك نان و سه‌موونی سپی، برنجی قاوه‌یی و بۆرو ئاری بۆر زۆر باشتره‌.
 ٣-چپس
 ٤- ئیندۆمی و مه‌عكرۆنی و پاستا
 ٥- ئه‌و خواردنه‌ی بڕێكی زۆر خوێی سۆدیۆم و ڕه‌نگی دروستكراو و مه‌وادی حافزه‌یان تێدایه‌.
 ٦- خواردنه‌وه‌ گازیه‌كان چونكه‌ مادده‌ی كافایین و شه‌كریان تێدایه‌، هه‌روه‌ها خواردنه‌وه‌ وزه‌به‌خشه‌كان.
 ٧- گۆشتی دروستكراو: وه‌ك گۆشتی قوتوو و ستیك و كنتاكی و باسترمه‌.
 ٨- چه‌ورییه‌ چڕه‌كان: وه‌ك ڕۆنی ئاژه‌ڵ و به‌زو چه‌وری گۆشتی سوورو پێستی مریشك و كه‌ره‌.
٩- شیرینی و ئه‌و خواردنانه‌ی شه‌كری دروستكراویان زۆر تێدایه‌.


خاك – تانیا ئاواره‌