23/2/2019 09:40 AM

سلێمانی.. پڕۆژه‌ی ماڵی مام راده‌گه‌یه‌نرێت

ڕۆژی 22-2-2019 پرۆژه‌ی ماڵی مام راگه‌یه‌نرا.

پرۆژه‌ی ماڵی مام، پرۆژه‌یه‌كه‌ له‌سه‌ر مه‌زاری مام جێبه‌جێ ده‌كرێت و پێكدێت له‌ مۆنۆمێنت و كتێبخانه‌ی نیشتمانی هۆڵ و گه‌له‌ری و سه‌كۆی ئازادو پارك و داری به‌ردار.

به‌ ئاماده‌بوونی خاتوو هێرۆ ئیبراهیم ئه‌حمه‌د ئه‌ندامی مه‌كته‌بی سیاسی و قوباد تاڵه‌بانی جێگری سه‌رۆكی حكومه‌تی هه‌رێمی كوردستان و چه‌ندین  كه‌سایه‌تی حكومی و حزبی و رۆشنبیران، له‌ هۆڵی سینه‌مای یه‌ڵماز گۆنای له‌ ئه‌منه‌سوره‌كه‌ی شاری سلێمانی مه‌راسیمی ئاشكراكردنی پرۆژه‌ی (ماڵی مام) به‌ڕێوه‌چوو.

سه‌ره‌تای مه‌راسیمه‌كه‌ به‌ ساتێك وه‌ستان بۆ گیانی پاكی سه‌رۆك مام جه‌لال و شه‌هیدان ده‌ستیپێكرد، پاشان ئاكۆ غه‌ریب خاوه‌نی پرۆژه‌كه‌ سه‌رجه‌م لایه‌نه‌كانی بۆ ئاماده‌بووان شیكرده‌وه‌و وتی: ئه‌م پرۆژه‌یه‌ له‌سه‌ر رووبه‌ری (80) دۆنم جێبه‌جێ ده‌كرێت و پێكهاتووه‌ له‌ چوار به‌ش:

1. مه‌زاری مام:  پێكهاتووه‌ له‌ مۆنۆمێنتێك به‌ به‌رزی (32) مه‌تر له‌سه‌ر رووبه‌ری (2) هه‌زار مه‌تری چوارگۆشه‌.

2. بینایه‌كی شه‌ش نهۆمی: له‌سه‌ر رووبه‌ری (30) هه‌زار مه‌تری چوارگۆشه‌، كه‌ ئه‌م به‌شانه‌ له‌خۆده‌گرێت: (مۆزه‌خانه‌ی مام، كتێبخانه‌ی نیشتمانی، دوو هۆڵی بۆنه‌كان، كه‌ یه‌كێكیان جێگای (2) هه‌زار كه‌س ده‌بێته‌وه‌، ئه‌وی تریشیان هۆڵێكی (400) كه‌سیه‌، گه‌له‌ری، ریستۆرانت، ئۆفیس و به‌شی VIP، له‌گه‌ڵ دوو گه‌راجی ژێرزه‌مینی، یه‌كه‌میان بۆ vip  و ئه‌وی تریشیان بۆ گه‌شتیاران.

3. سه‌كۆی ئازاد: له‌سه‌ر رووبه‌ری (500) مه‌تر چوارگۆشه‌.

4. پارك: كه‌ رووبه‌رێكی سه‌وزایی ده‌سته‌به‌ر ده‌كات، بۆ حه‌وانه‌وه‌ی گه‌شتیاران و گۆڕه‌پانێك بۆ یاری منداڵان، باخێكی گه‌وره‌ بۆ داری به‌ردار تا گه‌شتیاران و هاووڵاتیان له‌ به‌ره‌كه‌ی سوودمه‌ند ببن.


خاك - پوكمیدیا









created by Avesta Group and powered by Microsoft Azure

Copyright © 2015 khaktv all rights reserved