27/2/2019 09:15 AM

په‌یوه‌ندی نێوان شه‌كره‌و پشتئێشه‌

ئه‌و كه‌سانه‌ی نه‌خۆشی شه‌كره‌یان هه‌یه‌ ئه‌گه‌ری پشت ئێشه‌یان 35% له‌و كه‌سانه‌ زیاتره‌ كه‌ ئه‌و نه‌خۆشییه‌یان نییه‌، هه‌روه‌ها بۆ ئێشی ملیش ئه‌و ڕێژه‌یه‌ 24% بۆ نه‌خۆشانی شه‌كره‌ له‌ كه‌سانی تر زیاتره‌.

ئه‌م ئه‌نجامه‌ له‌ڕێگه‌ی شیكارییه‌ك له‌سه‌ر توێژینه‌وه‌كانی پێشوو له‌ زانكۆی سیدنی به‌ده‌ستهاتووه‌. به‌پێی ئه‌نجامی شیكارییه‌كه‌ زۆربه‌ی گه‌وره‌ساڵان پشت ئێشه‌یه‌كی كه‌م له‌ ژیانیاندا ئه‌زموون ده‌كه‌ن و زیاتر له‌ نیوه‌ی خه‌ڵكی له‌ قۆناغێكی ژیاندا ئێشی ملیان هه‌یه‌. نه‌خۆشی شه‌كره‌ یه‌كێك له‌ نه‌خۆشییه‌ باوه‌كان و به‌راورد ده‌كرێت كه‌ له‌ جیهاندا 382 ملیۆن كه‌س نه‌خۆشی شه‌كره‌ی جۆری دوویان هه‌بێت.

پڕۆفیسۆری یاریده‌ده‌ر فێرێریا كه‌ نووسه‌ری سه‌ره‌كی وتاره‌كه‌یه‌ ده‌ڵێت "شه‌كره‌و پشت ئێشه‌ و مل ئێشه‌ تا ڕاده‌یه‌ك په‌یوه‌ندییان له‌گه‌ڵ یه‌كتری هه‌یه‌. ئێمه‌ نازانین كه‌ ئه‌م په‌یوه‌ندییه‌ چۆنه‌ به‌ڵام ئه‌نجامه‌كان پێمان ده‌ڵێن كه‌ پێویسته‌ توێژینه‌وه‌ی زیاتر بۆ ده‌رخستنی ئه‌م په‌یوه‌ندییه‌ بكرێت".

"نه‌خۆشی شه‌كره‌ی جۆری2 و پشت ئێشه‌ په‌یوه‌ندییه‌كی به‌هێزیان له‌گه‌ڵ قه‌ڵه‌وی و كه‌می جموجوڵی فیزیكی هه‌یه‌، كه‌واته‌ لۆجیكییه‌ كه‌ توێژینه‌وه‌ی زیاتر له‌سه‌ر ورده‌كاری ئه‌م هۆكارانه‌ بكرێت. شیكارییه‌كه‌ی ئێمه‌ گرنگی زیاتری كۆنترۆڵی كێش و چالاكی جه‌سته‌یی بۆ ژیانێكی ته‌ندروست ده‌رده‌خات".

خاك – سه‌مه‌د كورده‌



created by Avesta Group and powered by Microsoft Azure

Copyright © 2015 khaktv all rights reserved