27/2/2019 09:21 AM

7 خواردنه‌وه‌ی ته‌ندروست بۆ منداڵه‌كانتان

سه‌ره‌ڕای گرنگی خواردنێكی ته‌ندروست بۆ منداڵان، دۆزینه‌وه‌ی خواردنه‌وه‌یه‌كی ته‌ندروستیش به‌هه‌مانشێوه‌ گرنگه‌. لێره‌دا باس له‌ گرنگترین خواردنه‌وه‌ به‌كه‌ڵكه‌كان بۆ منداڵان ده‌كه‌ین:

1-ئاو: كاتێك منداڵه‌كه‌تان ده‌ڵێت تینویه‌تی، هه‌میشه‌ ئاوی پێ پێشنیار بكه‌ن چونكه‌ ئاو بۆ ژماره‌یه‌كی زۆر له‌ پرۆسه‌كانی ژیان بنه‌ڕه‌تییه‌ له‌وانه‌ ڕێكخستنی پله‌ی گه‌رمی له‌ش و ئه‌ركه‌كانی ئه‌ندامه‌كان.

2-ئاو به‌تامه‌ سروشتییه‌كان: ڕه‌نگه‌ منداڵه‌كان زۆر حه‌ز به‌ خواردنه‌وه‌ی ئاوی ڕوون نه‌كه‌ن، بۆیه‌ هه‌ندیكجار باشه‌ كه‌ ئاوه‌كه‌ تێكه‌ڵ به‌ تامێكی سروشتی وه‌ك ئاوی شوتی، لیمۆ یان پرته‌قاڵ بكرێت.

3-ئاوی گوێزی هیندی: هه‌رچه‌ند ئاوی گوێزی هێندی كالۆری و شه‌كری تێدایه‌ به‌ڵام له‌ خواردنه‌وه‌كانی دیكه‌ وه‌ك سۆداو خواردنه‌وه‌ وه‌رزشییه‌كان ته‌ندروستتره‌. ئاوی گوێزی هیندی ژماره‌یه‌ك مادده‌ی به‌كه‌ڵك وه‌ك ڤیتامین سی، مه‌گنسیوم و پۆتاسیۆمی تێدایه‌ كه‌ هه‌موویان بۆ منداڵ گرنگن.

4-ئاوی میوه‌كان: به‌گشتی له‌وانه‌یه‌ ئاوی میوه‌كان مادده‌ی تر وه‌ك شه‌كریان تێكه‌ڵبێت، به‌ڵام ئه‌و ئاوی میوانه‌ی له‌ ماڵه‌وه‌ دروست ده‌كرێن مادده‌ی كانزایی به‌كه‌ڵكیان تێدایه‌.

5-شیری بێ شه‌كر: هه‌رچه‌ند ژماره‌یه‌كی زۆر له‌ منداڵان حه‌ز به‌ شیری شیرین ده‌كه‌ن، به‌ڵام شیری بێ شیرینی ته‌ندروستترین بژارده‌یه‌ بۆ منداڵان. مادده‌ كانزاییه‌كانی ناو شیرێك كه‌ هیچی پێ زیادنه‌كراوه‌ بۆ گه‌وره‌بوون و گه‌شه‌ی منداڵ زۆر گرنگه‌.

6-شیری شیرین نه‌كراوی گیاكان: ئه‌و منداڵانه‌ی حه‌زیان به‌ خواردنی شیری ئاژه‌ڵ نییه‌، خواردنه‌وه‌ی شیری گیاكان جێگره‌وه‌یه‌كی باشه‌.

7-چایی كوڵاوی هه‌ندێك له‌ گیاكان: هه‌رچه‌نده‌ كه‌ چا له‌و خواردنه‌وانه‌ نییه‌ كه‌ منداڵان حه‌زی پێبكه‌ن، هه‌ندێك له‌ چاییه‌كان ته‌ندروستن بۆ منداڵان وه‌كو چایی پنگ، نه‌عنا، به‌یبون و كاشو چه‌ند نموونه‌ی باشن.

خاك – سه‌مه‌د كورده‌




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved