24/3/2019 09:41 AM

شیره‌مه‌نی به‌ ماست دروستبكه‌

له‌گه‌ڵ ده‌ستپێكی وه‌رزی به‌هاردا كه‌شوهه‌واش به‌ره‌و گه‌رمی ده‌ڕوات، بۆ ئه‌وه‌ی له‌ به‌هارو هاویندا به‌رده‌وامبیت له‌سه‌ر خواردنی سارده‌مه‌نی تێبینی ده‌ده‌ین له‌سه‌ر دروستكردنی شیره‌مه‌نی به‌ ماست و هه‌نگوین و هه‌روه‌ها میوه‌و چه‌ره‌س.

كه‌ره‌سته‌كان:
500 غرام ماستی شیرین
5 كه‌وچكی چێشت هه‌نگوین
300 غرام شلك
50 غرام فستق

شێوازی ئاماده‌كردن:
* سه‌ره‌تا هه‌م میوه‌ی شلك و سفتقه‌كان وردبكه‌.
* له‌ناو قاپێكدا ماست و هه‌نگوین تێكه‌ڵبكه‌، دواتر نیوه‌ی شلك و فستقه‌كان تێكه‌ڵ به‌ ماسته‌كه‌ بكه‌و نیوه‌كه‌ی تریشی به‌جیا دابنێ.
* ئێستاش قاڵبێكی كێك برژاندن ده‌ستنیشان بكه‌و له‌سه‌ر هاوشێوه‌ی قاڵبه‌كه‌ كاغه‌زی كێك برژاندن دابنێ.
* له‌ناو هه‌موو قاڵبێكدا چوار كه‌وچك تێكه‌ڵه‌ی ماسته‌كه‌ تێبكه‌، دواتر كه‌مێك شلك و فستقیان به‌سه‌ردا بكه‌.
* له‌ كۆتاییشدا بیخه‌ره‌ ناو به‌فرگره‌وه‌ تا جوان ده‌یبه‌ستێت، تێبینی ده‌ده‌ین له‌سه‌رئه‌وه‌ی له‌كاتی شه‌واندا له‌ناو به‌فرگر دایبنێ تا بۆ رۆژی دواتر ئاماده‌بێت.
* له‌كاتێكدا له‌ناو به‌فرگر ده‌ریده‌هێنیت ئه‌وا بۆ ماوه‌یه‌كی كه‌م دایبنێ تا كه‌مێك شلده‌بێته‌وه‌، دواتر به‌ئاسانی ده‌توانی كاغه‌زه‌كه‌ی لێبكه‌یته‌وه‌.

خاك



created by Avesta Group and powered by Microsoft Azure

Copyright © 2015 khaktv all rights reserved