بۆ ئازاری دڵه‌كزێ و گه‌ده‌ ئاگاداری ئه‌م خواردنانه‌ بن

دڵه‌كزێ و ئازاری گه‌ده‌ وه‌ك هه‌موو كێشه‌یه‌كی ته‌ندروستی زۆر گرنگه‌ هۆكاره‌كانی ده‌ستنیشان بكرێت و نابێت پشتگوێ بخرێت به‌تایبه‌ت له‌گه‌ڵ بوونی نیشانه‌ی تری وه‌ك دابه‌زینی كێش به‌ خێرایی، ڕشانه‌وه‌، بوونی خوێن له‌ناو پیسایی و ڕشانه‌وه‌، كه‌مخوێنی، ڕه‌شبوونی ڕه‌نگی پیسایی، به‌رده‌وامبوونی بۆ ماوه‌یه‌كی زۆر.

ئه‌و خۆراكانه‌ی بۆ دڵه‌كزێ و ئازاری گه‌ده‌ باش نین كام خۆراكانه‌ن؟ له‌وباره‌یه‌وه‌ د.كامه‌ران ڕه‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی به‌ سایتی خاكی وتراگه‌یاند:

1-میوه‌ مزره‌مه‌نییه‌كان وه‌ك لیمۆو سندی و پڕته‌قاڵ به‌تایبه‌ت گیراوه‌كانیان یان به‌شێوه‌ی شه‌ره‌به‌تی فرێش.
2-سیرو پیاز.
3-ته‌ماته‌ كه‌ پێویسته‌ كه‌می لێ بخورێت و به‌هێواشی و به‌جوانی بجورێت.
4-مادده‌ی كافایینی چاو قاوه‌و كاكاو و سۆدا، ده‌بێت چاو قاوه‌ ڕۆژانه‌ دوو كووپ زیاتری لێ نه‌خورێته‌وه‌.
5-خواردنه‌وه‌ گازییه‌كان چونكه‌ ده‌بنه‌ هۆی ئاوسانی گه‌ده‌ بێجگه‌ له‌ بوونی كافایین.
6-نه‌سته‌له‌.
7-بیبه‌ری توندو به‌هاراتی توندو ترشیات و ترش و لیمۆندۆزی.
8-شیر هه‌رچه‌نده‌ له‌ سه‌ره‌تادا ڕه‌نگه‌ دڵه‌كزێ نه‌هێڵێت به‌ڵام دواتر ده‌بێته‌ هۆی خراپتربوونی به‌تایبه‌ت شیری ته‌واو چه‌وری.
9-خواردنه‌وه‌ كحولییه‌كان.
10-خواردنی سوركراوه‌و زۆر برژاو و خواردنی چه‌ور وه‌ك فاست فودو به‌زو دوگ.
11-پیتزا.
12-ساس و ماێونیزو كه‌چه‌پ.
 
سه‌باره‌ت به‌ باشترین جۆره‌كانی خۆراك بۆ دڵه‌كزێ و ئازاری گه‌ده‌، د.كامه‌ران ئه‌م خۆراكانه‌ به‌ په‌سه‌ند ده‌زانێت:
1-سه‌وزه‌و میوه‌ بێجگه‌ له‌ مزره‌مه‌نییه‌كان و شلیك.
2-شۆفان و چه‌رسی كاڵ و گوێزو ئاردی بۆرو برنجی بۆر.
3-سپێنه‌ی هێلكه‌
4-سركه‌ی سێو
5-ماسی و گۆشتی مریشك
6-زه‌یتی زه‌یتوون
7-مۆز
8-زه‌نجه‌بیل
9-ماست
10-هه‌نگوین
11-گوڵه‌ به‌یبوون

خاك – تانیا ئاواره‌