کتێبخانەی گشتی سلێمانی لەسەرەتای دامەزراندنیەوە تاکوو ئێستا مەڵبەندێکی ڕۆشنبیریی بووە لەبەردەم ڕۆشنبیران و خوێنەرانی خۆیدا ، ساڵانە بەچەندین چالاکی جۆراو ئەم کتێبخانەیە خزمەتی بە بواری ڕۆشنبیریی کردووە ، بۆ ئەمساڵیش بەبۆنەی ڕۆژی جیهانی کتێبەوە ڤستیڤاڵی ساڵانەی خۆی ئەنجامدا کە پێکهاتبوو لەچەندین چالاکی جۆراوجۆر،ئەم چالاکیانە بڕیاروابوو ڕۆژی ٢٣/٤/٢٠١٩ لەڕۆژی جیهانی کتێبدا سازبکرێت بەڵام بەهۆی چالاکی ٢٢ خولی ڤستیڤاڵی گەلاوێژ ، بەڕێوەچوونی مەراسیمی تایبەت لەنێو ئەم کتێبخانەیەدا ، چالاکییەکانی خۆی لە ڕۆژانی ٤تا٥/٥/٢٠١٩ ئەنجامدا کە بریتیبوون لەم چالاکیانە. -خستەڕووی ئاماری ساڵانەی کتێبخانەی گشتی سلێمانی بۆساڵی ٢٠١٨لەلایەن شاهۆعوسمان ، هەروەها خستنەڕووی پرۆژەی خوێندنەوە لەلایەن (ئالان ڕەووف) بەڕێوەبەری کتێبخانەی گشتی سلێمانی کەئاماژەی بەوەکرد ئەم پرۆژەیە بریتیە لە دیاری کردنی (٦٠) خوێنەر کەدابەش دەکرێت بۆ سێ ئاستی جیاواز و مانگانە لەلایەن کتێبخانەی گشتی سلێمانییەوە کتێب بەم بەشداربوانە دەدرێت بیخوێننەوە و گفتوو گۆی تایبەتی لەسەر بکرێت. هەرلەم ڤستیڤاڵەدا خەڵاتی چاپخانە و دەزگاکانی ڕۆشنبیری بەخشکرا کەبۆ ساڵی ڕابردوو زۆرترین کتێبیان بەچاپ گەیاندووە کە بریتی بوون لە ١-چاپخانەی کارۆ ١٢٦کتێب ٢-ناوەندی چوارچرا٩٢ کتێب ٣-دەزگای سەردەم ٧٥کتێب -خەڵاتی ڕێزلێنان بەخشرایە کتێبخانەی وارماوە لەپای کاروچالاکی و خزمەتی خوێنەرانی خۆی -خەڵاتی نووسەرێک لەلایەن یەکێتی نوسەرانی کورد بەخشرا بە (شێرزاد سەعید محەمەد) کەچەندین کتێب و توێژینەوەی لەبواری کتێبخانەدا ئامادەکردووە ئەم چالاکیانە بەبەشداری گۆرانی میوزیکی هەریەکە لە هونەرمەند و ژەنیارەکان بەڕێوەچوو کە هونەرمەند ( ئاریان کەریم ) بەهاوکاری هەریەکە لە ژەنیاران ( زانامەحمود هەژار،خەلیل عبدللە،جەنگی جەمال) چەند گۆرانی و میوزیکێک پێشکەشکران هەرلە درێژەی چالاکییەکانی ڤستیڤاڵی ساڵانەی کتێبخانەی گشتیدا ، کردنەوەی پێشانگای ئیشی دەستی خاتوو ( ترێ بەختیار)لە هۆڵی (ئازاد شەوقی ) و چالاکی کلتوری و زانستی (هۆرایزن لیف ) نمایشکرا. بەشێکی دیکەی چالاکییەکان تایبەت بوون بەبەشی منداڵان کە تێیدا خەڵات بەخشرا بەو منداڵانەی هاوڕێی بەردەوامی کتێبخانەن و چالاکی جۆراو جۆریان ئەنجامداوە کە بریتیبوون لە ( ئاریا سالار، ئارۆسالار،ئەرین سالار،کادۆکاروان،کاڤارکاروان)پێشکەشکردنی چالاکی منداڵانی پەیمانگای مارگرێت و باخچەی ساوایانی وەسان ، لە نمایشی دراماو گۆرانی ،هەروەها نمایشکردنی فیلمێکی تایبەت لەم ڕۆژەدا. پاشنیوەڕۆی هەمان ڕۆژبەئامادەبووی جەماوەرێکی زۆر کۆڕی شیعری هەریەکە لەشاعیران -تەلعەت تاهیر -کەژاڵ ئەحمەد -دلاوەرقەرەداغی -ڕۆژی دووەمی ڤێستیڤاڵ ئەم چالاکیانە کە بۆماوەی دوو ڕۆژ بەردەوام بوو کە تێیدا لەڕۆژی دووەمدا دوو سیمیناری تایبەت بەڕێوەچوو کە بریتیبوون لە ١-شرۆڤەی ئاماری خوێندنەوە لەکتێبخانە گشتییەکان و کتێبخانەی خوێندنگەکان بۆ بەڕێز شاهۆ عوسمان لەهۆڵی لەتیف سازکرا ٢-بزاڤی ڕۆشنگەری و کاریگەرییەکانی لەسەرپرسی کەسایەتی بۆ بەڕێز زەردەشت جەلال خاک-تانیائاوارە
created by Avesta Group and powered by Microsoft Azure