نووسەرو ڕۆژنامەنووس مەریوان مەسعود كتێبی (حەسەن زیرەك، چریكەیەك بۆ شادی) بڵاوکردەوە کە یەكێكە لە كتێبە ناوازەو دەوڵەمەندەكان لەسەر زیرەك، كە كۆی حەوت كتێبە لە یەك كتێبداو گرنگترین ئەو سەرچاوەو كتێب و زانیاری و وێنەو ئاوازو شیعرو نۆتانە لە خۆدەگرێت كە تا ئێستا لەسەر زیرەك نووسراونەتەوەو ئامادەكراون. واتە هەم ژیان و هەم بەرهەم و هەم شیعرو نۆتەو ئاوازەكانی بەشێك لە رووبارە دەوڵەمەندە هونەرییەكەی زیرەك لە خۆدەگرێت و بەرهەمی یەك ساڵ كاركردنە، كە بە پاڵپشتی برای بەڕێزم بابەكر دڕەیی بەڕێوەبەری گشتیی رۆشنبیری و هونەری سلێمانی و لەسەر ئەركی د.هەڤاڵ ئەبوبەكر پارێزگاری سلێمانی چاپكراوە. ئەم كتێبە 1080 لاپەڕەی قەبارە گەورەیەو بە دیزاینێكی ناوازەو بەرگی موجەلەد چاپكراوەو لە رۆژی 26/6/2019 كە ساڵڕۆژی كۆچی حەسەن زیرەكە لە سەرای سلێمانی بڵاودەكرێتەوە. كتێبەكە چەند نووسەرو ئەكادیمی و هونەرمەندێك بەشدارن تێیداو لە لایەن نووسەرو رۆژنامەنووس مەریوان مەسعود ئامادەو سەرپەرشتی كراوە.
خاك-بەیاد مەریوانی
created by Avesta Group and powered by Microsoft Azure