گرنگترین سووده‌ ته‌ندروستییه‌كانی هه‌رمێ

هه‌رمێ.. ئه‌و خۆراكه‌ی سوودی زۆره‌و زیانی نیه‌

د.كامه‌ران ره‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی و ئه‌ندامی پڕۆفیشناڵی كۆلیژی ئه‌مریكا بۆ زانستی خۆراك هاوكات ئه‌ندامی پڕۆفیشناڵی كۆلیژی ئه‌مریكا بۆ پزیشكی وه‌رزش له‌ تۆڕی كۆمه‌ڵایه‌تی فه‌یسبوك بابه‌تێكی بڵاوكردووه‌ته‌وه‌و تێیدا گرنگترین سووده‌ ته‌ندروستییه‌كانی هه‌رمێی خستووه‌ته‌ڕوو.

گرنگترین سووده‌كان:
*پاككردنه‌وه‌ی له‌ش له‌ مادده‌ ژه‌هراوییه‌كان له‌ڕێگه‌ی جگه‌ره‌وه‌.
* خۆپاراستن له‌ نه‌خۆشییه‌كانی دڵ و به‌رزی كۆلیسترۆڵ.
*ڕاگرتنی ئاستی ئاسایی فشاری خوێن و ڕێگریكردن له‌ به‌رزی فشاری خوێن و باشتر كۆنترۆڵكردنی نه‌خۆشی به‌رزی زه‌غت.
*خۆپاراستن له‌ نه‌خۆشی شه‌كره‌و یارمه‌تیدانی كۆنترۆڵكردنی ئاستی شه‌كره‌ له‌ خوێندا، میوه‌یه‌كی زۆرباشه‌ بۆ كه‌سانی توشبوو به‌ نه‌خۆشی شه‌كره‌.
*ڕێگریكردن له‌ قه‌ڵه‌وی و یارمه‌تی دابه‌زینی كێشی له‌ش ئه‌دات له‌كاتی ڕێجیم.
*خۆپاراستن له‌ گرژبوونی ماسولكه‌كان و نه‌خۆشی نه‌رمبوونه‌وه‌ی ئێسك و نه‌خۆشییه‌كانی هه‌وكردنی جومگه‌كانی له‌ش.
*به‌هێزكردنی كۆئه‌ندامی به‌رگری له‌ش و چالاككردنی كۆئه‌ندامی هه‌رس.
*میوه‌یه‌كی زۆرباشه‌ بۆ منداڵان و ساوای ته‌مه‌ن كه‌متر له‌ یه‌ك ساڵ (پاش لابردنی توێژاڵی ده‌ره‌وه‌و ناوكه‌كه‌ی).
*یه‌كێكه‌ له‌ میوه‌ به‌سووده‌كان بۆ خانمانی دووگیان و شیرده‌ر.
*چه‌ندین سوودی هه‌یه‌ بۆ پێست و مووه‌كانی قژو چاو و ددان.
*نه‌هێشتنی ته‌مه‌ڵی و بێهێزی و یارمه‌تیدانی خۆپاراستن له‌ چه‌ندین جۆری شێرپه‌نجه‌.

خاك – ئا/ لانه‌ كاشان