جێنیفه‌ر لۆپێزی گۆرانبێژی به‌ناوبانگی جیهانی هه‌فته‌ی رابردوو ئاهه‌نگێكی تایبه‌ت‌و پڕ جۆش‌و خرۆشی له مۆسكۆی پایته‌ختی روسیا پێشكه‌ش كرد، ئاهه‌نگه‌كه‌ش له چوارچێوه‌ی گه‌شتێكی هونه‌ری خۆیدایه به جیهاندا كه ناوی ناوه ئیتس مای پارتی. له‌و ئاهه‌نگه‌دا جێنیفه‌ر چه‌ند گۆرانییه‌كی هه‌ڵبژارده‌ی پێشكه‌ش كرد، كه جێگه‌ی سه‌رنج‌و په‌سه‌ندی هه‌وادارانی خۆی بوون، وه‌ك نه‌ریتی هه‌میشه‌ی خۆیشی ئاهه‌نگه‌كه‌ی به كۆمه‌ڵێك سه‌مای جوان‌و جۆراوجۆر رازانده‌وه. ئاهه‌نگه‌كه‌ی جێنیفه‌ر له مۆسكۆ كه كچه 11 ساڵانه‌كه‌ی خۆیشی له‌گه‌ڵدا بوو، نزیكه‌ی سه‌عات‌و نیوێكی خایاند‌و به تایبه‌تیش ئه‌و كاته‌ی كه له‌گه‌ڵ كچه‌كه‌یدا گۆرانی تایتانیۆمیان پێشكه‌ش كرد، كه‌شێكی پڕ جۆش‌و خرۆشیان بۆ ئاماده‌بوان دروست كرد.
روسیا توده‌ی
created by Avesta Group and powered by Microsoft Azure