كۆمەڵە چیرۆكێكی چیرۆكنووس و شاعیری ئامریكایی ( ریچارد ڕایت 1908 – 1960 ) كە وە رگێڕ و چیرۆكنووس ( ئەحمەد سەیید عەلی بەرزنجی) لە عارەبییەوە وەریگێڕاوە ودە زگەی سەردەم بۆچاپ وبڵاوكردنەوە لەم ڕۆژانەدا ,لەبەرگ و دیزاینێكی جوان و شیاو بەقەبارەی 231 لاپەڕە خستوویەتییە كتێبخانەكانەوە . ریچارد ڕایت یەك لەو چیرۆكنووسە ڕەشپێستە بەتوانایانەی ئامریكایە كەبەرهەمەكانی تەرخان كردوە بۆ پیشاندانی ئەو ژیانە نالەبارە پڕمەینەتی وچەرمەسەرییەی كەهاوڕەگەزە پێستڕەشەكانی لە وڵاتەیەكگرتووەكانی ئامریكا لەژێر سایەی سیستم و نەریتێكی چەپەڵی سپی پێستە ڕەگەزپەرستە توندڕەوەكاندا بەسەریان دەبرد . بەتایبەت لەهەرێمەكانی خوارووی ئەو وڵاتە ( دالاس ، ئۆكلاهۆما ، میسیسیپی ، ئەلەباما ، كارۆلاینا وئەركەنساس ) ئەو هەریمانەی كە زیاتر لەوانیدی خەڵكە سپیەكانیان هەوای لووتبەرزی وڕەگەزایەتی كوێری كردبوون و خۆیان لەگشت بوارەكانی ژیاندا بەلەپێشترو باڵاتر دەزانی لەبەرامبەر پێستڕەشەكان .... بۆغراییەكی ڕەگەزیی بێویژدانانە . ئەمە لەساڵەكانی نیوەی یەكەمی سەدەی بیستدا ، كەدرێژەی ئەو كۆیلایەتیەبوو سەدان ساڵ لەوەبەر بۆیان مابووەوە ، ڕەشپێستەكانیان وەك ئاژەڵ لەمەزراو كێڵگەو ناوماڵ و كۆشك و كارخانەكانیاندا كاریان پێدەكردن و دەیانڕەتاندنەوە . چیرۆكەكانی ئەم كتێبە شایەدحاڵێكی ڕاستی ئەو ژیانە سەختەی بەشێك لەگەلانی ناو وڵاتە یەكگرتووەكانی ئامریكا دەخاتە ڕوو . كتێبەكە بە پێشەكییەكی وەرگێڕ دەستپێدەكات لەتەك ( كورتەیەك سەبارەت بەكۆیلایەتی ) وچەمكی ئەم دیاردە ناهەموارەی كۆَمەڵگەی مرۆیی ، بە پێنووسی خوالێخۆشبوو ( د . فازل قەفتان ) كە كاتیخۆی لەتەك وەرگێڕانەكەیدا بۆڕۆمانی ( كووخەكەی مام تۆم ) نووسیویە ، وەرگێر لە پاینی چیرۆكەكانەوە ( فەرهەنگۆك ) ێكی بۆ بڕێ لەو وشەو زاراوانە ڕێكخستووە كەدەشێ لە كاتی خوێندنەوەدا بێنە بەر چاوی خوێنەر و ئەو مەبەستانەی وەرگێڕ مەبەستی بووە لێیان ڕوونتریان بكاتەوە . خاك
created by Avesta Group and powered by Microsoft Azure