یەكەم كۆڕی بڵاوكردنەوەو ناساندن و ئیمزاكردنی كتێبی "ڕۆژنامەگەریی تەلەفیزیۆنی _ بەرهەمهێنانی ڤی تی و دۆكیۆمێنتاری" سازدەكرێت. لەوبارەیەوە فرمان عەبدولڕەحمان نووسەری كتێبەكە رايگەیاندووه: ئەم کتێبە نوێیەم هەوڵێکی خاکیانەی منە بۆ پڕکردنەوەی ئەو بۆشاییەی لەبواری میدیای بینراودا هەیە لەرووی سەرچاوەو ڕێبەری پراکتیکی کە ڕۆژنامانووسان و خوێندکاران و ئارەزوومەندان بتوانن سوودی لێببینن. وتیشی: كتێبەكە بەرهەمی ماندووبونی دوو ساڵ نووسین و توێژینەوەو سەردان و وەرگرتنی راهێنانە لە تەلەفیزیۆنە بەناوبانگەكانی وەكو سی ئێن ئێن و دۆیچە ڤێلاو ئەلجەزیرە. ئاماژەی بەوەشكرد، هیوادارم بتوانم سوود بە رۆژنامەنووسان و میدیاكاران و خوێندكارانی فۆناغەكانی بەشی راگەیاندن بگەیەنم و سوودی لێوەربگرن. رۆژی یەكشەممە ۲٥/٨/۲۰۱۹ سەعات 5:00ی ئێوارە كافێی مۆزەخانەی نیشتمانی ئەمنەسورەكە كۆڕەكە سازدەكرێت. ئەم کتێبە نوێیەی رۆژنامەنووس فرمان عبدالرحمن چوارەم کتێبی چاپکراویەتی. خاك - پوكمیدیا
created by Avesta Group and powered by Microsoft Azure