بڕیارە رۆژی 27/9/2019 لە هۆڵی رۆشنبیری سلێمانی، شانۆگەری (بەنی ئادەم) نمایشبکرێت. ئەم شانۆییە دەرهێنانی ژیر ناشادەو هەریەکە لە (سانا ئەبوبەكر محەمەد، هوشیار سەروەر، نەهرۆ كارڤین محەمەد) ڕۆڵی تێدا دەبینن. بۆ نووسینی تێكستی ئەم بەرهەمە هونەرییە سوود لە تەورات و هەندێك لە شیعرەكانی داستان بەرزان وەرگیراوە. دەربارەی ئەم شانۆگەرییە، ژیر ناشاد وتی: مەبەستمە لێرەدا چەند سەرنجێكم هەبێت لەسەر شانۆی بەنی ئادەم، شیعرەیەت، جەستە، وتاری بوونی چوار ئەكتەر، بوونی دیكۆر وامان لێئەكات كە بڵێن ئێمە لە قۆناعێكی نۆێترداین و جیاوازتر لەهەر گروپێكی تر تێگەیشتنی خۆمان پشان ئەدەین، سەبارەت بەو پرسیارانەی كە ئەكرێن، لە ئەمڕۆماندا، ئەو پرسیارانەی وامان لێدەكات لە كوێدا وەڵامان دەستبكەوێت، بەڕووی چ ئاڕاستەیەك ئەمانبات، سوودوەرگرتن لە پەیمانی كۆن و (پەڕتووكی پەیدابوون) وەڵامدانەوەی ئەو پرسیارانەیە كە ئەكرێت، چۆن دروستبوون ئایا مرۆڤ لە چاوەڕوانیدایە، یاخود مەحكومە بە تەنیایی. وتیشی: ئەركی هونەرمەندیش ئەوەیە كە پرسیار بكات و وەڵام بداتەوە، تێبگات چۆن وابكەین لە دنیای ئەمڕۆماندا بینەر ئاشنای هۆڵەكان بكەینەوە. خاك
created by Avesta Group and powered by Microsoft Azure