لیژنەی پشكنین و چاودێریی بازاڕ كە لەلایەن قایمقامیەت و پۆلیسی شارەوانی و پۆلیسی ڕێكارییەوە سەرپەرشتی دەكرێت، لە سنووری بەڕێوەبەرایەتی شارەوانی شەش، پشكنین و بەدواداچوونیان بۆ 8 كۆگاو ماركێت ئەنجامدا. بەهۆی پابەندنەبوون بە مەرج و ڕێنماییەكان، لەوانە دانانی ئاوی خواردنەوەو خواردنەوە گازییەكان لە دەرەوەی شوێنەكانیان و لەژێر كاریگەری پلەكانی گەرما، (7) كۆگاو ماركێت داخران. هەر شوێنێك پابەند نەبێت بە مەرج و ڕێنماییەكان، ڕێكاری یاسایی بەرامبەر خاوەنەكانیان دەگیرێتەبەر، كە بریتییە لە داخستنی شوێنەكانیان و سزای پێبژاردن كە لە ملیۆنێك دینار دەستپێدەكات تا پێنج ملیۆن، ئەوەش بەپێی ڕێنماییەكانی وەزارەتی دارایی و ئابوورییە كە ئاراستەی قایمقامیەتی هەولێر كراوە. هەروەها هاووڵاتیان ئاگاداردەكەینەوە، بەدواداچوون بۆ هەموو ئەو سكاڵایانە دەكرێت كە ڕۆژانە ئاراستەی لیژنەكانی قایمقامیەت دەكرێن. خاك - راگەیاندنی قایمقامیەتی هەولێر
created by Avesta Group and powered by Microsoft Azure