بە مەبەستی بەشداریکردن لە کەرنەڤاڵی ئاشتی لە شارەکانی سلێمانی و هەولێر، چەند ئەندامێکی گروپی کامکاران سەردانی هەرێمی کوردستان دەکەن. رێکخراوی رۆژهەڵاتی ناوەڕاست بۆ ئاشتی بەردەوام کاردەکات بۆ بنیادنانی ئاشتی، ساڵانە لە رۆژی جیهانی ئاشتیدا کەرنەڤاڵی نێودەوڵەتی ئاشتی سازدەکەن لە 21-9 کە بە رۆژی ئاشتی جیهانی دەستنیشان کراوەو لەمساڵدا لە شاری سلیمانی رۆژی 21-9 سەعات 5:00ی ئێوارە لە شانۆی رۆمانی لە هەواری شار ئەنجامدەدرێت. لەمساڵدا گروپی کامکاران گۆرانی بۆ ئاشتی دەڵێن و هاوکات گۆرانیبێژی دەنگخۆش لەمیا جەمال لە تونسەوە بەشداربووی بەرنامەی تەلەفیزیۆنی ستار ئەکادیمی 8 (2011) و زە ڤۆیس 1 (2012)، گۆرانی بۆ ئاشتی دەڵێت! لەمیا بە زمانە جیاجیاکانی وەکو لوبنانی، میسری، عیراقی، ئیتاڵی، کوردی و کلاسیکی فەرەنسی گۆرانی دەڵێت. کەرنەڤاڵەکە رۆژی 24-9 لە شاری هەولێر لە هۆڵی سەعد عەبدوڵا بەڕێوەدەچێت. خاك
created by Avesta Group and powered by Microsoft Azure