وەزارەتی پەروەردەی حكومەتی هەرێم ساڵنامەی خوێندنی ساڵی 2019-2020ی راگەیاند كە تیایدا وادەی تاقیكردنەوەكان و پشووەكانی ناوەندەكانی خوێندن دیاریكراون. لەو خشتەیەی وەزارەتی پەروەردەی حكومەتی هەرێم بڵاویكردووەتەوە، هەریەك لە پشووەكانی وەرزی یەكەمی پەیمانگاكانی سەر بە وەزارەتی پەروەردەو قوتابخانە ئیسلامییەكان و پشووی بەهارەو پشووی وەرزی یەكەم ساڵی خوێندن دیاریكراوە. هاوكات لە خشتەكەدا تاقیكردنەوەی كۆتایی وەرزی یەكەم و تاقیكردنەوەی كۆتایی وەرزی یەكەمی پەیمانگاكانی سەر بە وەزارەتی پەروەردەو قوتابخانە ئیسلامییەكان و تاقیكردنەوە بەراییەكانی قۆناغی ئامادەیی و تاقیكردنەوەی كۆتایی وەرزی دووەمی پۆلی دوانزەی ئامادەیی و تاقیكردنەوەی وەرزی دووەمی پۆلە ناكۆتاییەكانی و قۆناغی كۆتایی و بنەڕەت و تاقیكردنەوەی كۆتایی وەرزی دووەمی پەیمانگاكانی سەر بە وەزارەتی پەروەردەو قوتابخانە ئیسلامییەكان دیاریكراوە. هەر لە خشتەكەشدا تاقیكردنەوەی نیشتمانی پۆلی نۆیەمی بنەڕەتی و ئەكادیمی و ئیسلامی (خولی یەكەم) و تاقیكردنەوە گشتییەكانی ئامادەیی بە هەموو بەشەكانییەوە (خولی یەكەم). هەر بەپێی ئەو ساڵنامەیەی وەزارەتی پەروەردەی حكومەتی هەرێم بڵاویكردووەتەوە، دەستپێكردنەوەی ساڵی نوێی خوێندنی 2020 -2021 رۆژی شەممە 5-9-2020 دەبێت. خاك
created by Avesta Group and powered by Microsoft Azure