گه‌ر منداڵه‌كه‌ت ئه‌م نیشانانه‌ی هه‌بوو بیبه‌ره‌ لای پزیشكی پسپۆڕ

د.پشده‌ر عه‌بدوڵڵا ئیسماعیل پزیشكی پسپۆری نه‌خۆشییه‌كانی منداڵان له‌ تۆڕی كۆمه‌ڵایه‌تی فه‌یسبوك بابه‌تێكی بڵاوكردووه‌ته‌وه‌، كه‌ تێیدا داوا له‌ دایكان و باوكان ده‌كات، گه‌ر منداڵه‌كانتان یه‌كێك له‌م نیشانانه‌ی هه‌بوو، ئه‌وا پێویسته‌ سه‌ردانی پزیشكی تایبه‌تی منداڵ بكه‌ن بۆ هه‌ڵسه‌نگاندنی بیستن و قسه‌كردنی منداڵه‌كه‌یان.

نیشانه‌كان:
1-ئه‌گه‌ر له‌ ته‌مه‌نی 6 مانگیدا سه‌ری نه‌سوڕاند بۆ ئه‌ملاولا به‌ره‌و ده‌نگی به‌رز.
2-ئه‌گه‌ر له‌ ته‌مه‌نی 9 مانیگدا هیچ گڕوگاڵی نه‌بوو.
3-ئه‌گه‌ر له‌ ته‌مه‌نی 18 مانگیدا داده‌، دایه‌، بابه‌ی به‌كارنه‌هێنا.
4-ئه‌گه‌ر له‌ ته‌مه‌نی 2 ساڵیدا نه‌یتوانی تاك وشه‌ به‌كاربهێنێت.
5-ئه‌گه‌ر له‌ ته‌مه‌نی 2 ساڵ و نیودا نه‌یتوانی ڕسته‌ی دوو وشه‌یی به‌كاربهێنێت.
6-ئه‌گه‌ر له‌ ته‌مه‌نی 3 ساڵیدا نه‌یتوانی ڕسته‌ی 3 وشه‌یی به‌كاربهێنێت.

خاك - ئا/ كاشان