2/10/2019 03:35 PM

بیرۆكەی نووسینی هاری پۆتەر لە وێستگەیەكی شەمەندۆفێردا


‎دوای ئەوەی وەك هاووڵاتییەكی ئاسایی بۆ پەیداكردنی كارێك ڕوودەكاتە وڵاتی پورتوگال، (جوان ڕۆڵینگ مۆرای) بەڕەچەڵەك بەریتانیی دەبێتە مامۆستای زمانی ئینگلیزی و لەو وڵاتە نیشتەجێدەبێت و دەستبەكاردەبێت، دواتر ژیانی هاوسەرگیریی لەگەڵ ڕۆژنامەنوسێكی پورتوگالی پێكدەهێنێت و دەبێتە خاوەنی كچێك.
‎توندوتیژیی خێزانیی و لێدان و دەركردنەدەرەوەی لەلایەن مێردەكەیەوە مۆرای تووشی تێكشكان و بێ ئومێدیی دەكات و دوای ساڵێك لەگەڵ كچەكەی روودەكاتەوە بەریتانیا، لەگەڵ گەشتنەوەی دایكی دەمرێت و پاش ٧ ساڵ لەتەواوكردنی زانكۆ بێ ئیشوكار دەمێنێتەوەو تووشی بارێكی دەروونیی ئاڵۆز و نەخۆشی خەمۆكیی دەبێت و بێ هیوا دەبێت لە ژیان، چەند جارێك هەوڵی خۆكوشتن دەدات.
‎ئەو ڕۆژەی مۆرای لەوێستگەیەكی شەمەندۆفێری شاری مانچستەر دانیشتووەو بەنیازی سەردانی لەندەنە، شەمەندۆفێرەكە چوار سەعات دوادەكەوێت، ئەو چاوەڕوانییە دوورودرێژە بیركردنەوەی مۆرای ئاڵۆز دەكات و هەر لەوێدا بڕیاری نووسینی زنجیرەی (هاری پۆتەر) دەدات و رەشنووسی هاری پۆتەر دەبێت بە كتێبێك و دواتر بە زنجیرە و دواتریش بە فیلم.
‎ئێستا جوان ڕۆڵینگ سامانەكەی زیاتر لە ملیارێك دۆلارەو ئەو تاكە خانمە نووسەرە كە بەهۆی نووسینەوە بۆتە ملیاردێرو یەكێكە لە خانمە ناسراوەكانی دنیای ئەدەب.
‎(لە ژیانی هەموو مرۆڤێكدا چەندین بەربەستی بەردین هەیە كە دەتوانرێت و دەبێت تێكبشكێندرێت).
‎ئەمە دروشمی جوان ڕۆڵینگ-ە بۆ ژیان

‎وەرگێڕانی: ڤینۆس تۆفیق




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved