نیشانەكانی هەڵامەت و هەستەوەری زۆر هاوشێوەن. هەر بۆیە هەندێك جار ناتوانین لە یەكیان بكەینەوە. لە درێژەدا ئەو نیشانە تایبەتانەی كەم ئەم دووگرفتە تەندروستییە لە یەك جیا ئەكەنەوە ئەخەینە ڕوو. نیشانەكانی هەستەوەری: خورانی لەش: یەكێك لە ڕوونترین نیشانەكانی هەستەوەری، خورانی جێگا جیاوازەكانی جەستە بۆ نموونە: چاو و گوێ و لووت و قوڕگ. هۆكاری ئەم بابەتە بوونی ماددەی "هیستامین"ـە. دەركەوتنی كۆمەڵیك نیشانە لە كات و شوێنێكی تایبەتدا: هەڵامەت لەوانەیە كاتی خەوتن یان بەیانیان زیاتر هەستی پێ دەكرێ، بەڵام لە ماوەی شەو و ڕۆژدا بە بەردەوامی هەستی پێدەكرێ. بەڵام هەستەوەری پەیوەستە بە شوێن و كاتێكی تایبەتەوە. بۆ نموونە بەهاران ئەو كاتانەی دەچینە ناو سروشتەوە. ئاڵوگۆرەكانی پێست: ئێگزێما جۆرێك ورووژانی پێستە كە هەست بەخوران پێك دەهێنێت كە ئەبێتە هۆی ئەوەی پێست سوور هەڵگەڕێ و بخورێ و وشك ببێت. نیشانەكانی هەڵامەت سەوز بوونی شلەمەنییەكانی ناو لووت (چڵم): دیارە ئەم كارە هەندێك بێزاركەرە، بەڵام ئەو كاتەی لووتمان پاك ئەكەینەوە سەرنجی ڕەنگی ئەو شلەمەنییە بدەن كە لە لووت دێتە دەرەوە. ئەگەر ڕوون بوو، واتە تووشی هەستەوەری بووین و ئەگەر سەوز بێت نەخۆشییەكە هەڵامەتە. لەرز و تا: بەرزبوونەوەی گەرمای لەش یان تا، یەكێك لە دیارترین نیشانەكانی هەڵامەت و لە ئەنجامی تێكهەڵچوونی سیستەمی بەرگری لەش و ئەو میكرۆبانەی وا دێنە ناو لەشەوە تووش دەبین. www.thehealthy.com
خاک_پشکۆ کامەران
created by Avesta Group and powered by Microsoft Azure